Wednesday, July 11, 2018

මරණ දඬුවම ඕනේ (නෑ)

 මරණ දණ්ඩනය, සාමාන්‍යයෙන් අවුරුදු 5කට 10 කට සැරයක් අපේ රටේ උඩට එන මාතෘකාවක්. අපරාධ රැල්ල වැඩිවීගෙන එනවා වගේ දැනුන ගමන් මරණ දණ්ඩනය ගැනත් ආයේ ආයේ කතා කරනවා. ආයේම ටික දවසකින් නැතිවෙලා යනවා .

   Amnesty International එක කියන විදියට 2017 අවුරුද්දේ විතරක් ලෝකේ මරණ දණ්ඩනය ක්‍රියාත්මක කරලා තියෙනවා 993ක් ( චීනයේ ගණන නැතිව). මතක තියා ගන්න මේ ඉලක්කම ඇතුලට අපේ රටේ වගේ කුප්‍රකට "සැඟවූ ආයුධ පෙන්වීම" වගේ concept ඇතුලත් නෑ. ආයුධ පෙන්වීමට ගිහින් මරණ එකත් රාජ්‍යය මැදිහත් වීමෙන් කරන එක්තරා මරණ දණ්ඩනයක් තමයි. ඒ වගේම චීනෙන් එන මරණ දණ්ඩනය ලක්වූ ප්‍රමාණය 1000 කට වඩා වැඩී. චීනය මේ සංඛ්‍යාලේඛණ රාජ්‍ය රහසක් හැටියට තියා ගන්න නිසාම මේ ඉලක්කම මීට වැඩිය වැඩිවෙන්න තියෙන ඉඩ හුඟක් වැඩී.
  මේ තමයි 2017 අවුරුද්දෙ නිළ වශයෙන් මරණ දණ්ඩනය ක්‍රියාත්මක කරපු රටවල්:
China , Iran, Saudi arabia , Iraq , Pakistan ,Egypt , Somalia , USA, Jordan ,Singapore ,Kuwait ,Bangladesh ,Palastene, Afghanistan ,Malaysia ,Japan, South Sudan,Baharain ,Yemen, Belarus, UAE, North Korea  & Vietnam .

 මේ රටවල් වලිනුත් ඉදිරියෙන්ම ඉන්නෙ මෙයාලා:
Chaina - 1000+
Iran -       500+
Saudi Arab - 145+
Iraq - 125+
Pakistan - 60+
Egypt - 35+
Somalia - 20+
USA - 20 +

ඊට කලින් අවුරුදු වල ඔය ලිස්ට් එක බැලුවනම් ඒත් මේ රටවල් ටික ඒ විදියටම තියෙනවා. මං හිතන්නේ ඒ point එක උනත් ඇති death sentence වල සාර්ථක අසාර්ථකත්වය ගැන යම් අදහසක් ගන්න.

  මරණීය දණ්ඩණයේ තියෙන ලොකුම අවුල තමයි නීතිය පසිඳලන තැන් වල වෙන අඩුපාඩු හේතුවෙන් වෙන ඇත්තටම වරදකරුවන් නොවන මිනිස්සු මරණයට පත් වෙන එක. ඇමෙරිකාවේ බැලුවොත් එහෙම සිදුවීම් ඕනෙ තරම් වාර්තාවෙලා තියෙනවා. මොකක්හරි වරදකට සම්බන්ධයෙන් කවුරුහරි වරදකරුවෙකුට මරණ දණ්ඩනය ක්‍රියාත්මක කරල කාලයක් ගියාම වෙන කවුරුහරි ඇවිල්ලා පාපොච්චාරණය කරනවා ඒ වරද කරේ මම මිය ගිය පුද්ගලයා නිර්දෝෂයි කියලා. මේ පාපෝච්චාරණය කරපු අය විතරයි. තමන්ගේ වරද වෙනුවෙන් වෙන එකෙක් මරණයට පත් වෙනවා බලාගෙන ජීවත්වෙන අය තව ඇති තරම් ඇති. දැන් මේ වගේ අවස්ථාවක මොකද කරන්නේ.? අර නිවැරදි 'වරදකරුට' නැවත පණ දෙන්නද?  ඒ මිනිස්සුන්ගෙ පවුල් වලට දෙන පිළිතුරු මොනවද?

  අනෙක් කාරණය තමයි ඒ ඒ රටවල් වල දේශපාලනය සහ නීතිය ක්‍රියාත්මක වීම කියන එක අතර සම්බන්ධය මත තීන්දු වෙනස් වෙන එක. දැන් අපි බැලුවොත් දුමින්ද සිල්වා දිහා.මනුස්සයාට මරණ දණ්ඩනය හිමි වෙලා ඉන්නේ. 2015 ආණ්ඩුව වෙනස් වුනේ නැත්නම් දුමින්ද සිල්වට එහෙම තීන්දුවක් ලැබෙයි කියල අපිට හිතෙන්නෙ නෑනේ නේද. ආණ්ඩු මාරු නොවුනනම් මේ වෙද්දි දුමින්ද සිල්වා පාර්ලිමේන්තු මන්ත්‍රී කෙනෙක්. සමහර විට නීතිය හා සම්බන්ධ ඇමති තනතුරක් වුනත් මිනිහ දරන්න තිබුණා. පේනවනේ අපේ වගේ රටවල් වල දේශපාලන බලවතුන්ට පුලුවන් අධිකරණයට බලපෑම් කරන්න. වැරදි කරුවන් ආරක්ෂා කරන්නට වගේ නිවැරදි කරුවන් වැරදි කරුවන් කරන්නට. ඉතින් අපේ වගේ රටක මරණ දණ්ඩනය ක්‍රියාත්මක වුනොත් අමුතු අමුතු තීන්දු ලැබෙයි. මතකනේ 2012 වැලිකඩ සිද්ධියේදී මියගිය සෙට් එක. ඒ මැරුන අය අතරේ ඒ දවස්වල පන්සල් වලට පැනල හාමුදුරුවරු මරල රජ කාලේ කඩු ,ඔටනු හොයපු සිද්ධි වල සැකකරවොත් හිටියා. මතක තියා ගන්න වැරදිකරුවො නොවෙයි සැකකරුවෝ. ඉතින් මෙහේ මරණ දණ්ඩනය ක්‍රියාත්මක උනත් එච්චරයි ,⁣ දේශපාලනඥයින් මැදිහත් වෙලා කරන අපරාධ වලට කොහෙන්හරි මිනිහෙක් අල්ලගෙන් ක්ෂණිකව නීතිය ක්‍රියාත්මක වෙද්දි සැබෑ අපරාධකරුවන් සුදු වතින් සැරසිලා පන්සල් යයි.

   අන්තිම පොයින්ට් එක තමයි මිනිස්සුන්ට නිවැරැදි වෙන්න අවස්ථාවක් දෙන එක. නැත්නම් second chance එකක්. ඉතිහාසයේ වුනත් මිනිස්සු බර ගාණක් මරපු අංගුලිමාල පැවිදිවෙලා රහත් වුනා කියනවනේ. බැරිවෙලාවත් එදා අංගුලිමාල රාජ පුරුෂයන්ට අහුවුණා නම් මොකද වෙන්නේ.සමහර මිනිස්සු අපරාධ කරල තියෙන්නේ තරුණ වයසට ආපු ගමන්ම , සමහර අපරාධ කරුවන් නොයෙකුත් මානසික ව්‍යාධීන් වලින් පෙළෙන මිනිස්සු . ඇත්තටම සමහර අපරාධකරුවන් උසාවියේ ඉඳන් හිරගෙදරට යවනවා වෙනුවට යවන්න ඕනෙ මානසික වෛද්‍යවරුන් ළඟට.
 මොන කරුණ සළකා බැලුවත් අපේ රටට මරණ දණ්ඩනය කියන එක සෙට් වෙන්නෙ නෑ. ක්‍රියාත්මක වුනොත්  තම තමන්ගේ ඇරියස් නම් කවර් කරගන්න එක , පොලිස් ලොක්කන්ට හිතෙන අය කුඩු තොගයක් දාලා අල්ලන ඒවා වගෙ නම් හරි හරියට වෙයි. අවසානයට ඇත්ත අපරාධකරුවන් සුදුවට ඉද්දි හයියක් නැති මිනිස්සු පිරිසකගේ බෙල්ල තොණ්ඩුවට හිරවෙයි.

Facts: amnesty international

Saturday, June 16, 2018

චීවරයට අත නොතබනු!

"හැම රටවැසියෙක්ම සිවුරක් පොරවගමු."  එහෙම කියල තිබ්බේ විදර්ශන කන්නංගර , fb එකේ.

  PK film එකේ pk දේවාලෙක කැටයකින් සල්ලි ⁣හොරෙන් අරන් ගුටි කන්න යද්දි උෟ    කරන්නේ දෙවියන්ගේ ස්ටිකර් දෙකක් කම්මුල දෙපැත්තේ අලවා ගන්නවා. ඇහුවම කියනවා self defense කියලා.pk  ට ගහන්න ආපු උන් දෙයියො කම්මුලේ දැක්කම ක්ෂණික පසු බසිනවා.
දැන් ඥාණසාර සාදු ටත් ජනාධිපති සමාවක් ලැබෙයි කියල චූටි රාවයක් යනවනේ. ගොඩක් වෙලාවට එහෙම වෙයි.(මෛත්‍රී ලොක්කටත් පිස්සු ජාතීවාදියෝ ටිකක් චූන් කරන්න හම්බ වෙන චාන්ස් එක).  ලංකාවෙත් විවිධාකාර තක්කඩියන්ට අර pk ට වගේ හොඳ self defense technique එකක් තියෙනවා . ඒ තමයි කරන තක්කඩි වැඩ සියල්ල සිවුරක් ඇඳන් කරන එක. නැත්නම් තමන්ට කර ගන්න ඕනේ තක්කඩි වැඩ ටික සියල්ලම සිවුරක් ඇඳන් ඉන්න එකෙක් ලව්වා කර ගන්න එක. මොකද එහෙම කරාම වැඩේ ඒ තරමට සාර්ථකයි. චීවරයට අත තියන්ඩ එපා යකෝ කිව්වම ඔක්කොම ඉවරයි. මං හිතන්නේ මේක ලංකාවේ නීතිය ආරක්ෂාව හැම පැත්තකින්ම ලොකු weak point එකක්. ඇස් දෙක විතරක් පේන බුර්කාව සමාජයට ආරක්ෂාවට කොයිතරම් තර්ජනයක්ද ඒ තරමටම තර්ජනයක් සිව්රක් දාන් ඉන්න මැරයෙක්. ඌට ඕනෙම තැනකට බොම්බයක් කුඩු ටිකක් පිස්තෝලයක් අරන් යන එක ගේමක් නෙවෙයි. කවුරුත් චෙක් කරන්න එන්නෙ නෑ. චීවරයට අත නොතබනු ! අන්න ඒ නිසා.ඔබ ගමක පන්සලක් ළඟ ජීවත්වෙලා ඉඩම් ප්‍රශ්නයකට හරි මොනව හරි ප්‍රශ්නයකට හාමුදුරුවන්ට එරෙහිව ග්‍රාම සේවක ළඟට පොලිසියට ගියොත් මොකද වෙන්නේ? ඔබ පැමිණිලි පාර්ශවය වුනත් ග්‍රාම සේවක හරි පොලිසිය හරි ආව ගමන් මුලින්ම කරන්නේ අර විත්තිකාර හාමුදුරුවන්ට වඳින එක. එතනින් එහාට සාධාරණයක් වෙයි කියල ඔබ හිතනවද. එහෙයි හාමුදුරුවනේ කියනවා මිසක්.

      බොහෝ හාමුදුරුවරු තමන් නීතියට අධිකරණයට ඉහළින් ඉන්නේ කියල හිතන්ව ඒ වගේ දේවලුත් බලපාලා ඇති.ඊට අමතරව මොලේ කළඳක් නැති මෝඩ දේශපාලුවන්ගෙ හයියත් බලපාලා ඇති.  දැන් මේ තත්වෙ උග්‍ර වෙලා. හැම මඟුලකටම මැදට පැනල වැඩේ අල කරල දාන්නේ හාමුදුරුවරු. ඔවුන්ට දහම් දැනුමකුත් නෑ. නීතිය ගැන දැනුමකුත් නෑ. විද්‍යා දැනුමක් කොහොමත් නෑ.දන්නෙ  මැදට පැනල ගිරිය පුප්පගෙන කෑ ගහන්ඩ විතරයි. ඒ වුනත් එයාලගේ දායකයන්ට ඒ හැසිරීම ප්‍රශ්නයක් නොවෙයි. ඔවුන් හාමුදුරුවන්ගෙන් බලාපොරොත්තු වෙන්නෙත් ඒ වගේ හැසිරීමක්. පන්සල් වල හාමුදුරුවරු මේ තරම ප්‍රචණ්ඩ විනයක් නැති තැනකට ගිහින් හැසිරෙන්න දන්නැති සංයමයකින් කතා කරන්න බැරී වීම ගැන තියෙන්නේ ලොකු ප්‍රශ්නයක්. ළමයි බලෙන් දහම් පාසල් ගෙන්න ගන්න දතකන අනෙක් හාමුදුරුවරුන්ට තමන්ගේ සෙසු සංඝ සමාජයේම සහෝදර හාමුදුරුවන්ගේ අවිනීත ක්‍රියා පේන්නෙ නෑ. ඒවට  විරුද්ධව කතා නොකරන ගමන් ගිහි සමාජේ ළමයින් ශික්ෂණය කරන්න හදන එකත් විහිළුවක් .
   දැන් ඔයවගේ දේවල් වලට විරුද්ධව කතා කරන එකත් සෙල්ලම් වැඩක් නොවෙයි. එහෙම කතා කරපු ගමන් නානාවිධි නම්බුනාම නොමිලේම හම්බ වෙනවා. NGO කාක්කෝ, පල්ලි කාක්කෝ,  විතරක් නොවෙයි සිවුරු තක්කඩින්ගේ හැම ක්‍රියාවක්ම සාධාරණීකරණය කරන ජාතියේ පිනට පහළ වුන අයියල මල්ලිලා ටික ජාතිය ගැන කතා කරාට අහන්නෙම ජාතකේ ගැන. ඒ අස්සේ උන් උන්ගෙ අදහසට විරුද්ධ උන්ගෙ මෑණිවරු බල්ලො එක්ක රමණය කරාද කියලත් අහනවා. පොලිම් ගැනත් කියවනවා. මං හිතන්නෙ මැතිණිගේ කාලේ පාං පෝලිම් වෙන්ඩ ඇති. ගිහියො නම් තව කමක් නෑ සිවුරු දාන් ඉන්න එවුනුත් එහෙම අහනවා නම් ඉතින් එහෙව් උන්ගෙ පන්සල්වල සිල් ගන්න ගෑණුන්ට අබ සරණම තමයි . කතාව නතර කරන්න හිතුනා අජිත් කුමාරසිරිගේ සිංදුවක කෑල්ලකින්

" පන්සල් වලට අරක්කු
රටටම පිරිත්පැන්.
  එතකොට අපිට?
අපිට තමයි ආදරේ"

Wednesday, June 13, 2018

හාමුදුරු සීට් එක

⁣කොළඹ - බිබිල බස් එකකට මඟින් ගොඩවුනු හාමුදුරුවරු තුන් දෙනෙක්ට අසුන නොදීම සම්බන්ධයෙන් පුවතක් දිවයිනේ පළවෙලා තිබුණා. කොහොමත් දිවයින ආසයි ඒ වගේ නිව්ස් වලට.එයාලගේ choice එක ඒක.

     ඇත්තටම මේ ආසන ගැටලු එන්නේ  ⁣දිර්ඝ ගමානාන්ත ⁣වල යන මඟින්ට. කෙටි ගමන් වල නම් මිනිස්සු ආසනයක් දෙන එක ගැන වැඩිය හිතන්නේ නෑ. දීර්ඝ ගමනක යන කවුරුත් තමන්ගේ ආසනය ගමන පටන් ගෙන ටික වෙලාවකින් දෙන්න කොහොමත් කැමත්තක් නෑනේ. අනිත් අය නම් කොහෙමද දන්නෙ නෑ. මම නම් කැමති නෑ. මේ ලියන්න හදන්නේ සිදුවීම් දෙකක්.

සිදුවීම 01.

  මේක වුනේ මීට අවුරුදු දෙකකට විතර කලින්. ඒ වෙද්දි මම හම්බන්තොට පැත්තේ ව්‍යාපෘතියක. මගේ route එක වෙන්නෙ හැම ඉරිදම හවස 6.30 ට පිටකොටුවෙන් කතරගම යන Highway bus එක. ඉරිදට ඔය බස් එකේ යන එක ටිකක් අමාරු වැඩක්. ගොඩක් මිනිස්සු කලින්ම ආසන වෙන්කරනවා. සාමාන්‍යයෙන් මම හවස 6 ට විතර බස් එකට නැග්ගම ආසන දෙක තුනයි ඉතිරි. අනෙක් ආසනවල මිනිස්සු නැත්නම් වෙන් කරලා. ඉතින් එහෙම ඉරිදා දවසක බස් එක පිටත් වෙන්න විනාඩි දෙක තුනකට කලින් හාමුදුරුවෝ කෙනෙක් බස් එකට ගොඩ වුනා. හාමුදුරු අසුනේ අසුන් ගත් මනුස්සයා එතනින් අයින් වෙන්න කැමති වුනේ නෑ. මොකද යන්න වෙන ආසනයකුත් නෑ. එහෙනම් ඒ මනුස්සයා highway ගමන අමතක කරලා සුපුරුදු ගාලු පාරෙන් ගමන යන්න ඕනේ. ප්‍රශ්න ගොඩක්. හොඳ වෙලාවට අසුන දෙන්න ප්‍රතික්ෂේප කරපු මනුස්සයා සිංහල එකෙක්. බැරිවෙලාවත් හම්බන්තොට පැත්තෙ ඉන්න මුස්ලිම් මනුස්සයෙක් එහෙම එතන හිටියානම් ඔය ප්‍රශ්නෙ දිග හැරෙන්නේ වෙනත්ම කෝණයකට. මට ඒ වෙලාවේ ආවේ මෙහෙම ප්‍රශ්නයක්. එච්චර දුර ගමනක් යද්දි ඇයි හාමුදුරුවන්ට බැරි ටිකක් කලින් ඇවිල්ලා ආසනය අයිති කර ගන්න. අවසාන මොහොතේ බස් එකට නැඟලා highway බස් එකක වගේ සීමිත ගණනකට යන්න පුලුවන් තැනක තවත් මනුස්සයෙක් අමාරුවේ දාන්නේ ඇයි? අනෙක් මඟින් වගේ කලින් ආසන වෙන් නොකරන්නේ ඇයි. ?

සිදුවීම 2.

  මේ සිදුවීම වුනෙත් මීට අවුරුද්දකට විතර කලින්. හදිසියේම දවසක් මටයි බිරිඳටයි ගෙදර එන්න වුනා. කොළඹ - මහියංගනය බස් රථයට ගොඩවෙද්දිත් රෑ 11.30ට විතර. අපි දෙන්නටම එකතැන වාඩිවෙන්න නම් ඉතිරි වෙලා තිබුණේ හාමුදුරු සීට් එක විතරයි. එච්චර රෑක සාමාන්‍යයෙන් හාමුදුරුවරු යන්නෙ නැතිවෙයි කියල වාඩි වුනා කියමුකො. බස් එක යන්න ටිකකට කලින් තරුණ හාමුදුරුවෝ කෙනෙක් බස් එකකට නැග්ගා. වැඩ කරලා මහන්සි වෙලා රෑ 12ට බස් එකට නැග්ගම ඉඳගෙන ඉන්න සීට් එක දෙන්න වුනාම දැනෙන හැඟීම කියන්න වෙන්නෙ මෙන්න මෙහෙම, " මොන **********"? එහෙම situation එකක්.  බස් එකට ගොඩ වෙද්දිම  තරුණ යුවලක් හාමුදුරු අසුනේ වාඩි වෙලා ඉන්නවා දැකපු ඒ හාමුදුරුවෝ කිසිම කතාවක් නැතිව අපට විරුද්ධ අසුනේ වාඩිවුනා. වචනයක්වත් කතා නොකරපු , නොහඳුනන ඒ හාමුදුරුවෝ ගැන මගේ හිතේ ලොකු පැහැදීමක් ඇති වුනා. අවස්ථාව තේරුම් ගැනීමට තරම් ඔලුවක් සහ නිහතමානීකමක් ඒ නොදන්න හාමුදුරුවන් ගාව තිබුණා.

ප.ලි.

  තවත් දිනෙක මම අැඹිලිපිටිය - කොළඹ බසයක ගමන් කරනවා.බස් රථය අවිස්සාවේල්ල කිට්ටු කරලා තේ බොන්න නතර කරාම තුන්දෙනෙක් වාඩි වෙන්න පුලුවන් හාමුදුරු ආසනෙන්  දෙන්නෙක් තේ බොන්න බැහැලා ගියා. තරුණ හාමුදුරු කෙනෙක් ජනේලය ළඟ ඉතුරු වෙද්දි ඒ වෙනකල් හිටගෙන  හිටපු තරුණ ගැහැනු ළමයෙක් බසය නතර කරන් හිටපු වෙලාව තුළ වාඩිවෙලා හිටියා. ඊට විරුද්ධ පැත්තේ වාඩිවෙලා හිටියේ භික්ෂුනී කෙනෙක්.ඈ අර තරුණියට බනින්නට වුනා . හැබැයි අර හාමුදුරුවෝ නම්  ජනේලයෙන් එළිය බලන් හිටියා මිසක් හැරිලවත් බැලුවේ නෑ. තරුණිය නැගිටුනෙත් නෑ. ' ඔයාගේ සහෝදරයෙක් වුනත් මහණ වුනාට පස්සෙ ඔයාට අයිති නෑ' අර භික්ෂුනීය තරුණියට බණ කියනවා . ඇය කණකට ගත්තෙ නෑ. ඇගේ පාඩුවේ ආසනයේ වාඩ්වෙලා හිටියා ආසනයේ හිටපු අය නැවත එනකල් . හාමුදුරුවන්ට ඒක ප්‍රශ්නයක් වුනෙත් නෑ. හැබැයි වටේ හිටපු අනෙක් ගැහැනුන්ට නම් ලොකු ප්‍රශ්නයක් වුනා.

Sunday, June 10, 2018

අඟහරු ග්‍රහයා මත පුරුෂ ලිංගයක්

ධීර්ති කලුසුදුසූරිය

අඟහරු ග්‍රහයා මත පුරුෂ ලිංගයක් තිබී සොයා ගෙන ඇතැයි නෝටි ඇමෙරිකානු ආයතනය මුළු ලොවම සුරාන්තයට පත් කරමින් හෙළි කර ගෙන ඇත.

  කියුට්පුසි යානය මඟින් මෙම පුරුෂ ලිංගය සොයා ගෙන ඇත.

  මෙම පුරුෂ ලිංගය වසර විසි පහක් පමණ පැරණි බව නෝටි ඇමෙරිකානු ආයතනය පවසයි

  මෙය විශ්මය ජනක සොයාගැනීමක් යැයි නෝටි ඇමෙරිකානු ආයතනයේ  පෝර්නොග්රැපි විද්යාඥ  මියා කලීෆා මහත්මිය පැවසුවාය.

   මින් සනාථ වන්නේ අඟහරු ග්රහයා මත ලිංගික  කර්මාන්තශාලා (sex industry) තිබීම බවද ඇය කීවාය.
ඉදිරියේදී කියුට්පුසි  යානාව මෙයට වඩා ආතල් ජනක තොරතුරු සොයාගනු ඇතැයි බලාපොරොත්තු වන බවද ඇය කීවාය.

Saturday, June 9, 2018

MTV Troll Police හෙවත් සමූහ දූෂණය

   MTV Troll Police කියන්නේ ඉන්දියාවේ MTV එකේ යන රියලිටි වැඩසටහනක්.අන්තර්ජාලයේ ප්‍රසිද්ධ මිනිස්සුන්ට වෙන harassment වලට දෙන උත්තරයක් නැත්නම් ප්‍රතිප්‍රහාරයක් තමයි මේක.  වැඩේ වෙන්නෙ මෙහෙමයි. අපි ගමුකෝ ඉන්දියාවේ කවුරුහරි celebrity කෙනෙක්. දැන් මේ celebrity කෙනා facebook වේවා Twitter වේවා මොකක් හරි social media එකකට photos අනං මනං දානවානේ. ඔය දාන photos වලට එක එක මානසික රෝගියෝ ඇවිත් කැත විදියට comment කරනවා,තම තමන්ගේ ලිංගික පීඩනයන් පිට කරනවා.ඉන්දියාවේ විතරක් නෙවෙයි ලංකාවේත් එහෙමනේ. පියුමි හංසමාලි, නදීෂා හේමමාලී, යුරේනීල  වගේ අයට ඇති තරම් මෙහෙම වෙලා අැති . දැන් MTV එක කරන්නේ මේ වගේ තැනකදි මැදිහත් වෙනවා අර celebrity එක්ක. අර දිගින් දිගටම කැත කමෙන්ට් කරන පුද්ගලයව follow කරනවා, කන බොන තැන් යන එන තැන්     video කරනවා. ඊට පස්සේ කරන්නේ මේ මනුස්සයව කොටු කර ගන්න වෙනම ගේමක් ප්ලෑන් කරනවා. සමහර විට ඒ රියලිටි තරඟයක් , ජොබ් ඉන්ටවිව් එකක්, ක්රීඩා පුහුණු වැඩසටහනක් වෙන්න පුලුවන් . ඒ තමයි abuser ව කොටු කරගන්න දැල වැටෙන විදිය .

     මම බලපු එක වැඩ සටහනක celebrity ඉන්දියන් female  badminton star කෙනෙක්, තවත් එකක bollywood actrss කෙනෙක් තව එකෙක reality show එකකින් ⁣win කරපු dancer කෙනෙක්(කොල්ලෙක්). මේ හැම කෙනාටම  යම් පිරිසක් නිතරම අශ්ලීල විදියට comment කරනවා.ඔවුන්ගේ පුද්ගලික ජීවිතයට සම්බන්ධ ඡායාරූපයක් සමාජ මාධ්‍යට දැම්මම අර පිරිසගේ ප්‍රතිචාර වෙන්නේ අතිශය පුද්ගලික චරිත ඝාතනය වෙන දේවල්.ඔවුන්ගේ මවුපියන් සම්බන්ධ කරල අශ්ලීල comment වැටෙනවා ,ඇඳුම අඳින විදිය පවා කැත විදියට විවේචනය කරනවා. ඉතින් MTV එක කරන්නේ අර අශ්ලීල පිරිස කොටු කරගන්න උපක්‍රමශීලී වැඩ සටහනක් කෘතිමව හදන එක. එක කොටු කර ගන්න හදන කෙනාගේ life style එකට සෙට් වෙන විදියට තමයි හදන්නේ. ඔවුන්ටත් නොදැනීම දවස් කීපයක් ඔවුන්ව වීඩියෝ ගත වෙනවා.අවසානයේ මොනවහරි competition එකකට workshop එකකට අර කොමෙන්ට් මෑන් බලාපොරොත්තු සහගතව ඉදිරිපත් වෙනවා . වැඩසටහන අවසානයට තමයි තමන් harass කරපු celebrity මතු වෙන්නේ. Social media වලදි abuse කරන කෙනා එතනදී රෑපවාහිනී මාධ්‍යකදී රටක් ඉස්සරහ abuse වෙනවා .celebrity අහනවා ඔබගේ සහෝදරියට මේ වගේ අශ්ලීල කතා කියෙව්වම මොනවද දැනෙන්නේ කියලා.comments එකින් එක පෙන්නනවා .ඒක සමූහ දූෂණයක්. ලැජ්ජාවේ ඇඹරෙනවා.සමහරු එතනදී වැරැද්ද පිළි අරන් සමාව ඉල්ලනවා. හොඳ පාඩමක්.රෙදි ගැළවෙන පාඩමක්.

  මුලින්ම මේ programme එක බලද්දි මේකත් අර wwe wrestling වගේ script එකකට ගොඩනැඟෙනවාදො කියල හිතුනත් අර comment කාරයෝ අපහසුතාවට පත්වෙලා ඉන්න විදිය දැක්කම ⁣තේරෙනවා එසේ මෙසේ එකෙකුට එහෙම මිනිස්සුන්ගෙ හැඟීම් රඟපාන්න බැරි විත්තිය. එ් වගේම මේ වැඩසටහන බලපු ඉන්දියානුවෙක් මීට පස්⁣සේ කාගේ හරි photo එකකට කුපාඩි comment එකක් දාන්න කලින් දෙපාරක් හිතයි කියලත් හිතෙනවා.

https://m.youtube.com/watch?v=UWGMA3_1sO8

https://m.youtube.com/watch?v=0rXiSmcPX44

https://m.youtube.com/watch?v=bmGoco7ev-8

Sunday, May 27, 2018

දෙවියන් ගැන තවදුරටත්

මේ දවස්වල දෙවියන් ගැන සංවාදේ ජයටම යනවා . මං හිතන්නේ විය යුත්තෙත් ඒකමයි. හැමදාම එකම අාරක දේවල් ඇහුන මිනිසුන්ට එක පාරටම  ඒදේම නිෂේධාත්මක විදියට ඇහුනම මුලින් ටිකක් අවුල්. සමහරු පිළිගන්න අදිමදි කරනවා . සමහරු තේරුම් ගන්නවා. වැහි දෙවි කතාවත් එහෙමයි. සමහරු හිතන් ඉඳලා තිබුණේ වැහිදෙයියා කියන්නේ නිකන් කටවහරට කියපු දෙයක්ය කියලනේ.
      මේ දේව සංකල්පෙ ලංකාවේ කාලයක් තිස්සේ යට ගිහින් තිබුණේ විශේෂයෙන්ම සෝම හාමුදුරුවන්ගේ මැදිහත් වීම ඒකට ලොකු හේතුවක්. පුද්ගලිකව මගේ වුනත්   දේවියන් පිළිබඳ තිබුණ විශ්වාසය නැති වෙන එක පටන් ගත්තේ එතනින්. ඒත් පස්සේ කාලේක නලින්ද සිල්වා ඇතුළු සෙට් එකේ වැඩත් එක්ක ආයේමත් මිනිස්සුන්ගෙ ඔලු කන්න පටන් ගෙන.කොච්චරද කිව්වොත්  වැස්සත් එක්ක වැඩ කරන්නට වෙන  ලංකාවේ සමහර දෙපාර්තමේන්තුවල ඉන්න ඉංජිනේරුවරු අධ්‍යක්ෂකවරු පවා වැස්ස බලාපොරොත්තුවෙන් වැහි පිරිත් කියද්දි දේව කන්නලව් කරද්දි රටේ මිනිස්සු හැටියට අපට වගකීමක් තියෙනවා මේවගේ මිත්‍යාවන් පස්සේ උගතුන් බුද්ධිමතුන් පවා යන එක හෙළා දකින්නට ප්‍රශ්න කරන්නට. ඒක කරන්නට හොඳම විදිය තමයි මේ දෙවියන් කියන විෂය පුලුවන් තරම් සාකච්ඡාවට අරගෙන මේක හාස්‍යයට ලක් කරන එක. මොකද මිනිස්සු මේ තරම් දෙව්යන්ව විශ්වාස කරන්නේ ඔවුන්ගේ අසරණ කමටත් වඩා බය නිසා.
        
        පහළ තියෙන ෆොටොස් ටික බැලුවොත් ඒවා screenshots ගහල තියෙන්නේ බුද්දක නිකායේ එන විමාන වත්ථුවෙන්. ඒක මහමෙව්නාවේ සංස්කරණය.එතනදි දෙවියන් දිව්‍යංගනාවන් ගැන කතා ගොඩාක් තියෙනවා . ඒක හරියට interview එකක් වගේ. මොග්ගලිපුත්ත තෙරුණ් එක එක දෙවිවරුන්ගෙන් දිව්‍යාගනාවන්ගෙන් අහනවා ඔබ ඇයි මෙහෙම ඉන්නේ. මොනව කරාටද මෙහෙම දිව්‍ය සැප සම්පත් ලැබුණේ කියලා. මං මේකේ උපුටා ගත්තේ දෙව්යන්ගේ වාහන සම්බන්ධව තිබෙන දේවල්. මොග්ගලිපුත්ත තෙරුන් එක දෙවියෙක්ගෙන් අහනවා
" ඔබේ මේ ඇත් වාහනය උත්තම එකක්.නොයෙක් මැණික් වලින් මේ ඇතාව සරසලා තියෙන්නේ.හරිම සිත්කළුයි. ශක්ති සම්පන්නයි.වේගවත් ගමනක් තියෙන්නේ අහසින් ගමන් කරන්නේ........ "  
  අන්න එහෙම ඒ කතාව ඇදෙනවා. මට තියෙන ප්‍රශ්නේ යකෝ දෙවියොත් තාම යන්නේ ඇතාගේ පිටේද  කියන එක.අනෙක අහසින් යන ඇතෙක්.ගමරාළ අලියගේ වලිගෙ එල්ලිලා දිව්‍යලෝකේ ගියා කිව්වම මිනිස්සු හිනාවුනාට ඒ මින්ස්සුම මේවා පිළිගන්නවා. පොඩ්ඩක් කල්පනා කරලා බැලුවොත් අද කාලේ පුද්ගලික ගුවන්යානා, ලිමොසින් ,නැව් පවා තියෙන මිනිස්සු ඉන්නවා . එතකොට සැබෑ දෙවිවරු කව්ද, තාමත් ඇතා පිට යන කෙනාද මෙහේ සුපෝගබෝගි විදිහට ඉන්න කෙනාද?⁣එක්කො දෙවිවරු eco friendly ජීවත් වෙනවා ඇති. නැත්නම් මිනිස්සු පරිකල්පනයේ දියුණුවෙන් හදන දේවල් දෙයියොත් කොපි කරනවද දන්නෙත් නෑ. මොකද ඒ යුගයේ රජවරු ඇමතිවරු ඇතාගේ පිටේ යද්දි සමහර දෙවිවරන්ටත් තිබිලා තියෙනනේ ඒ පහසුකම්මයි ඊට වඩා ඩෙල්ටා ප්‍රමාණයක් වැඩිපුර. මගේ පුද්ගලික අදහස මේකයි එක්කෝ මොග්ගලිපුත්ත තෙරුන් හරි විමාන වත්තු වලට මේ කතාව ලියපු කෙනා කල්පනා කරල බලන්න ඇති ඒ කලේ රටේ සමෘද්ධිමත්ම පුද්ගලයා වෙච්ච රජ්ජුරුවෝ ගමන් කරන්නේ ජීවත් වෙන්නෙ කොහොමද කියලා , ඊට පස්සේ ඒ ගමන් කරන විදියම ඊට වඩා චුට්ටක් ඇඩ්වාන්ස් කරලා දෙවියන්ට apply කරලා. ඒ කියන්නේ ඇතාට මුතු මැණික් අන්දවලා. මල් මාලා දම්මවලා , ඇතාගේ පාට පොඩ්ඩක් වෙනස් කරලා වගේ දේවල්. ඒ යුගයේ මිනිස්සුන්ට ඒ දේවල් ඇත්ත වගේ පෙනුනට තාමත් දෙව්යො ඇතාගේ පිටේ යනවා කිව්වම ටිකක් අවුල්. අනික දෙව්වරු අපි වගේ පරිණාමය වෙනවා කියලා අහල තියෙනවැයි? නෑනේ.
 
     කතාව ඉවර කරන්නම් මෙහෙම දෙවිවරු කියන්නෙ මිනිස්සුන්ගෙ පරිකල්පනයෙම නිර්මාණයක්. සමහර තැන් වලදි  අහිංසක නිර්මාණයක්  සමහර තැන්වලදි රෞද්‍ර ප්‍රකාශනයක්. දෙවිවරු කියන්නේ මිනිස්සුන්ගෙ දුර්වලකම එළියට එන තැනක්.දෙවිවරු කියන්නේ game එකක level එකක් වගේ මිනිස්සුන්ට යන්න තියෙන වඩා හොඳ level එකක්. පෘථිවියේ superior මිනිස්සු. අපි කැමති වුනත් නැතිවුනත් ඇත්ත ඒක. මේ ලොකේ ප්‍රශ්න විසඳන්න වෙන්නේ මේ superior වෙච්ච මිනිස්සුන්ටම මිසක් ලොවෙත් නැති දෙවිකෙනෙක්ට නොවෙයි. මිනිස්සුන්ට තමන්ට ඉහළින් කවුරුහරි නෑ කියන එක දැනගත්තම ලොකු හිස්කමක් තනි කමක් දැනෙනවා.දුක කියන්න කවුරුත් නැත්වෙනවා. මේ තනිකම හිස්කම පාළුව මකන්න ආපු පිළියම තමයි දෙව්යා. අපි හිතන් ඉන්නවා අපේ ප්‍රශ්න දෙව්යො විසඳයි කියල.හිතුවට එයා විසඳන්නෙ නෑ. එයා එන්නෙත් නෑ. මොකද එහෙම කෙනෙක් නැතිනිසා. තේරුම් ගන්න. අපිට අපි විතරයි.

Wednesday, May 23, 2018

වැස්ස වළාහක දෙයියෝ

  මුලින්ම කියන්න ඕනේ මේ සටහනෙන් පෙන්නන්නේ බුද්ධාගමේ වැස්ස ඇතිවීම ගැන දක්වන අදහස. කරුණාකර කඩි කුලප්පු කාරයෝ මෙතනින් එහාට මේ සටහන කියවන්න එපා .

වස්සවළාහක සූත්‍රය - අංගුත්තර නිකාය

" එකත්පස්ව වාඩිවුන ඒ භික්ෂුව භාග්‍යවතුන්වහන්සේට මේ කරුණ පැවසුවා. 'ස්වාමීනී, ඇතැම් දවස්වලට වැස්ස ඇතිවෙනවා නම් ඒකට හේතුව මොකක්ද? කාරණාව මොකක්ද ?'

'පින්වත් මහණෙනි,වැස්ස වළාහක නමින් දෙවිවරු ඉන්නවා.ඒ ඇත්තන්ට ඇතැම් දිනෙක මෙහෙම හිතෙනවා." අපි ස්වකීය පංචකාම සැපයෙන් ප්රීතිමත්ව ඉන්නවානම් හොඳයි." කියලා.ඉතින් ඒ ඇත්තන්ගේ සිත පිහිටුවා ගැනීමට අනුව වැස්ස ඇතිවෙනවා.පින්වත් මහණෙනි ඇතැම් දවස්වලට වැස්ස ඇතිවීමට හේතුව මේකයි. කාරණාව මේකයි."

උපුටා ගැනීම ඉවරයි. ඒ කියන්නෙ වැස්ස ඇත්වෙන්නේ දෙයියන්ට පොඩි සැපක් ගන්න හිතුනම. පොඩි විද්‍යා දැනුමක් තියෙන මනුස්සයෙක්ට හොඳට තේරෙනවා මේක මොන මෝඩ කතාවක්ද කියල නේද? ඒත් බහුතරයක් මිනිස්සු මේවා පිළිගන්නේ සාදු කාර දීලා. දියුණු රටවල් කෘතිම වැසි ඇතිකරන්නට පවා විද්‍යා තාක්ෂණ දැනුම දියුණු කරගෙන තියෙන යුගයක දෙවියන් වැස්ස ඇති කරවනවා කියන එක විහිළුවක් නොවෙයිද. ......මේක ටයිප් කරගෙන ඉන්න ගමන් මතක් වුනා පෘථිවියේ පළමු වැස්ස ඇතිවීම නැත්නම් පෘථිවියට ජලය කොහෙන්ද ආවේ කියන දේ සම්බන්ධයෙන් තියෙන ජනප්‍රිය මතය. ඒ තමයි උල්කාෂ්මය හරහා ජල අණු පෘථිවියට ආවා කියන එක. මේක පරීකෂණාත්මකව පෙන්නන්ඩ පුලුවන්. අලුතෙන් වැටෙන උල්කාෂ්ම කොටසක් පොඩි පරීක්ෂණ නළයකට දාගන්න පුලුවන් ප්‍රමාණයකට කුඩු කරලා බන්සන් දාහකයකට හරි අල්ලන් හිටිය නම් පරීක්ෂණ නළයේ අැතුළත බිත්ති වල ඉතා කුඩා ජල වාෂ්ප ප්‍රමාණයක් බැඳෙනවා . ඉතින් විද්‍යාඥයෝ කල්පනා කරනවා පෘථිවියේ ආරම්භක අවධියේ ඒ කියන්නේ පෘථිවි තලය සිසිල් වීමට පෙර ක්‍රියාකාරී අවස්ථාවේ උල්කාෂ්ම දස දහස් ගණනින් වැටීම හේතුවෙන් ඒවයේ ජල වාෂ්ප එකතු වෙලා එකතු වෙලා පෘථිවියේ පළවෙනි වර්ෂාව ඇතිවුනා කියලා. ඒ කියන්නේ වැස්සට අයිතිවාසිකම් කියන්ඩ පොත්වල හිත්වල ඉන්න දෙවියන්ට කිසිම අයිතියක් නෑ.

   දැන් ඔය වැස්සවළාහක සූත්‍රය අහළ පහළින්ම තව සූත්‍ර දෙක තුනක් තියෙනවා.

එකක් තමයි වාතවළාහක සූත්‍රය . එකෙදි  අහනවා සමහර දවස්වලට සුළඟ වැඩි ඇයි කියල. එතකොට බුදුන් කියනවා වාතවළාහක නමින් දෙවිවරු සිටිනවා .ඔවුන්ට සමහර දවස්වලට හිතෙනවා අපි පංචකාම සැපයෙන් ප්රීතිමත්ව සිටිය යුතුයි කියල. අන්න ඒ දවසට ඒ දෙව්වරුන්ගේ සිත පිහිටුවා ගැනීමට අනුව සුළං ඇතිවෙනවා කියලා.

තව එකක් තමයි අබ්භවළාහක සූත්‍රය . එකෙදි භික්ෂූන් බුදුන් ගෙන් අහනවා සමහර දවස්වලට අනියම් ලෙසවළාකුළු ඇතිවෙනවා ,ඒකට හේතුව කුමක්ද කියලා. බුදුන් කියනවා මහණෙනි අනියම් වළාහක නමින් දෙවිවරු ඉන්නවා. සමහර දවසක ඒ දෙවිවරුන්ට හිතෙනවා අපි අද පංචකාම සැපයෙන් සිටිය යුතුයි කියලා. ඒ දවසට ඒ දෙවිවරුන්ගේ හිත පිහිටුවා ගැනීමට අනුව අනියමින වළාකුළු ඇතිවෙනවා කියලා.
  තව තියෙනවා උණ්හවළාහක සූත්‍රය . එකෙදි අහනවා සමහර දවසට උණුසුම් වැඩි මොකද කියලා.එතකොට බුදුන් අර විදියටම කියනවා උණුසුම් වළාහක නමින් දෙව්යො ඉන්නවා කියලා අර කතාවම.

බලන් ගියාම හැම කාළගුණික විපර්යාසයක් එක්කම දෙව්වරුන්ගේ පංචකාම සැපක් තියෙනවා. ඒ කාලේ ටොනාඩෝවක් එහෙම තිබුණානම් ඒකටත් ඒ වගේම සරල විග්‍රහයක් තියෙයි. මේක කියෙව්වම සමහරුන්ට තරහා යයි. ලියල තියෙන්නේ ඩොලර් කාක්කෙක් කියල කියයි . කෙල්ලො ජීන්ස් අඳින නිසා භූමිකම්පාව ඇතිවෙනවා කියන මුස්ලිම්  පූජකයන්ට හිනාවෙන ගමන් මේවටත් හිනැහිය යුතුයි. මොකද ඒ ඔක්කොම පට්ටපල් බොරු නිසා. මගේ යෝජනාව අපි ආගම් දිහාත් බය පැත්තකින් තියලා විවෘත මනසින් බැලිය යුතුයි කියලා. එතකොට ඒවයේ තියෙන weak points ,බොරු මනස්ගාත ලස්සනට පේනවා.

Saturday, May 12, 2018

පූජ්‍ය පූජක පක්ෂයට මෝල්ද?

උදය ගම්මන්පිලගේ පිවිතුරු හෙළ උරුමේ කව්දෝ හාමුදුරුවරු කෙනෙක් පිවිතුරුකම නැතිකරගනලුනේ. මං හිතන්නේ දානේ ගෙනාපු දායිකාවකට බලහත්කාරයෙන් ධාතූ පෙන්නන්ඩ ගිහින්. දැන් ඒ දායිකාව අසාධ්‍ය තත්වෙන් රෝහලක. ඉස්පිරිතාලගතවෙන්ඩ තරම් ශක්තිමත් ධාතූ පෙන්නිල්ලක් කිව්වම සෙල්ලමක්ද?  සාමාන්‍යයෙන් අවුරුද්දකට දෙතුන් වතාවක් ඔය වගේ පූජ්‍ය පූජක පක්ෂය සහභාගීත්වයෙන් වන අතවර කිරිලි අහන්ඩ ලැබෙන එක පුරුද්දක්. ඔය කියන පූජ්‍ය පූජකයෝ ඔය ස්ථාන වල ඉන්නෙත් ස්ත්‍රී සැප එපෝ කියාගෙනනේ. හැමදේම බැලන්ස් කරන් නිවාඩු පාඩුවේ දායිකාවකට කොටාගෙන ඉන්න ඈයෝත් ඉන්නවා. නිකමට හිතුනද මේ පූජ්‍ය පූජකයන්ට මෙච්චර මෝල්  ඇයි කියල. ඕකට මරු උත්තරයක් කොවුර් කියනවා. මනුස්සයා යෝජනා කරනවා පැවිද්දන්ට කතෝලික පියතුමනල අාදියගේ ඔය ලිංගික අශාවන් අැති කරන හෝමොන නිපදවන ග්‍රන්ති කප්පාදු කළ යුතුයි කියල. මානව හිමිකම් අනං මනං පැත්තෙන් බැලුවම නම් අවුල් තමයි. ඒත් සාමාන්‍ය මනුස්සයෙකුගේ ලිංගික අවශ්‍යතාවයි පැවිද්දෙකුගේ ලිංගික අවශ්‍යතාවයි බැලුවොත් පැවිද්දන්ගේ අවශ්‍යතාවය දරුණුයි. ඇයි කිව්වොත් උන්දැලා කන්නෙත් ඉතාම රසවත් පෝෂ්‍යදායි ආහර. දුප්පත්ම එකෙක් දානයක් හැටියට බතුයි සම්බෝලයක් දුන්නත් ඒකත් දෙන්නේ තමන්ගේ උපරිමයෙන්. පළතුරු ටික මුදවපු කිරි ටික යෝගට් ටික ගාණට ඇඟට වැටෙනවා. රටේ අනෙකුත් සාමාන්‍ය මනුස්සයෙකුට ඒ වගේ දේවල් දෛනිකව ගන්න තරම් ආර්ථික ශක්තියක් නෑනේ. ඊළඟට කාලා ඉවරවෙලා වැඩක් කරනවා කියලද. ඕහේ ගෙවෙන සෝමාරි ජීවිත. පන්සලක් පල්ලියක් අතුගාන එකවත් කරනවා කියලද. බස් එකක කෝච්චියක හිරවෙලා යනවා කියලද. පවුල් ප්‍රශ්න ළමයින්ගේ ප්‍රශ්න ආර්ථික ප්‍රශ්න කියලද. කිසිම බරක් නැති සැප ජීවිත. ඉතින් එහෙම සෝමාරි ශරීරවල ශක්තිය වැයවෙන්නේ නෑනේ.සාමාන්‍ය මිනිස්සු ඔෆිස් එකේ ප්‍රශ්නයි ආර්ථික ගැටලුයි සේරම එක්ක හවසට හිරවෙලා තැලිලා පොඩ්වෙලා ගෙදර ආවාම මොන sex ද? ඒකනේ කොවුර් මහත්තයා ⁣අර වගේ යෝජනාවක් කරන්නේ කප්පාදු කරමු කියල.  එක අතකට ඒකේ අවුලකුත් නෑ. එයාලා කම්සැප එපා කියල කියන එකේ අර කියපු ග්‍රන්ති ඉවත් කරන එක අතකට උදව්වක්නේ නේද.

  ඉතින් පන්සල් පල්ලි යද්දි පොඩ්ඩක් පරිස්සමෙන්. විශේෂයෙන්ම පොඩි ළමයි එහෙම යවද්දි. වැඩුණු  කාන්තාවන්ටත් බලහත්කාරකම් වෙනවා නම් පොඩි ඈයෝ මොනව දන්නවා කියලද.

Wednesday, May 2, 2018

මා බාල කාලේ - මිත්‍යාවේ තුරුලේ

     මේ ලියන්න හදන්නෙ සිරා සිද්ධි දෙක තුනක්. ⁣⁣දැන් හෙන භෞතිකවාදි අදහස් තිබණට මමත් කාලයක් (ඉස්කෝලේ යන කාලේ) මිථ්‍යාවන් විශ්වාස කරා.එ්වා අපේ ඔලුවලට නොමිලේම දමන දෙවල් නේ.සමහරු ඒවා කරේ තියන් යනවා.සමහරු පයින් ගහල දානවා. මම ක⁣රේ දෙවෙනි එක.
         1997 අවුරුද්දෙ පොසොන් මාසේ. මම හතරෙ වසරේ හරිය. පොසොන් එකට සීසන් එක අනුරාධපුරේ නේ.ඔන්න අපිත් ගියා අනුරාධපුරේ වන්දනාවේ ෆැමිලිය පිටින්ම. ශ්‍රී මහා බෝධිය ගාවටත් අාවා කියමුකෝ , ඔන්න අපේ අම්මා කියපි පුතේ බාරයක් වෙයන් ශිෂ්‍යත්වෙ පාස් වුනාම ගන්න ලකුණු ගාණට හරියන පහන් ගාණක් ශ්‍රී මහා ⁣බෝධිය ළඟ පත්තු කරනවා කියලා හිටං. ඉතින් මාත් එහෙම හිතා ගත්තා. ඊළඟ අවුරුද්දෙ ශිෂ්‍යත්වෙත් ආවා මාත් පාඩම් කරලා ටියුෂන් ගිහිල්ලා ඔක්කොම කරලා පාස් වුනා. ලකුණු 162ක්. ඒ කාලේ හැටියට නම් ලොකු ගාණක්. ඊ⁣ට පස්සෙ අවුරුද්දෙත් පොසොන් එකට අනුරාධපුරේ ගිහින් අර කියපු විදියට පහන් දහස් ගණනක් මැද පට්ට දවාලේ මාත් පහන් එකසිය හැට ගාණක් පත්තු කරා. අඩුම තරමේ පහන් වැට ගාවට ළං වෙන්න වත් බැරි තරමට පහන් වල රස්නෙ. මිනිස්සු ඒ තරමට පහන් පත්තු කරලා. මොනව කරන්නද Promise is a Promise කියල පරණ සිංහල කතාවක් තියෙනවනේ. කතාව ඒක නොවෙයි , අපේ ගමේ ගෑණු මනුස්සයෙක් හිටියා සාස්තර කියන ගුරුකම් කරන මළවුන් ගෙන්නන ආදී හැම මඟුලම කරන. ශිෂ්‍යත්වෙ පාස් වෙලා ටික දවසකට පස්සේ අම්මා මාවත් එක්කගෙන අර උන්දැගේ දේවාලෙට ගියාම උන්දැ කියපි මම ශිෂ්‍යත්වෙ පාස් වුනේ උන්දැ කරපු ශාන්තියකටලු. උන්දැට මගේ වයසෙම දුවක් ඉන්නවා. හැබැයි ඒ යෝදි ෆේල්. ඔන්න උන්දැගේ සෙත් ශාන්තියේ තරම. පිට එකා පාස් තමන්ගේ එකා ෆේල්. හොඳම හරිය ඒකත් ⁣නෙවෙයි . දැන් අවුරුදු දෙක තුනකට කලින් මං දැක්කා අර සාස්තර උන්දැගේ දුව වෑන් එකක් drive කරනවා.මාත් ඉතින් ගෙදර ඇවිල්ලා අම්මගෙන් ඇහුවා අර කෙල්ල වෑන් එකක් අරන්ද කියල හරිය. මේ තියෙන්න ඒ වෑන් එක ගත්ත විදිය ගැන අපෙ අම්මා  කියපු කතාව. අර සාස්තර කියන ගෑණු කෙනා ගාවට අහල පහළ ගමක මැදි වයසේ ඉන්න ළමයි නැති ජෝඩුවක් ඇවිල්ලා තියෙනවා සාස්තරයක් හරි මොකක් හරි බලන්න. දැන් එතකොට අර සාස්තර උන්දෑ සාස්තරේට කියල තියෙනවා අර ජෝඩුවට හම්බ වෙන්න හිටපු ළමයා තමයි මෙයාගේ (සාස්තර උන්දැගේ) ගර්භාෂයේ පිළිසිඳ ගෙන තියෙන්නේ කියලා. මේක අහපු අර ජෝඩුව අර තමන්ගේ වෙන්න හිටපු ඒත් වෙන ගෑණු කෙනෙක්ට (සාස්තර උන්දැට) හම්බවුනු අර කෙල්ලට වෑන් එක දීලා හිටන්. කොහෙමද මොලේ😀😀😀

         මේ තව සිද්ධියක්. එතකොට මම නවය වසරේ විතර. අපේ අම්මා මාව ඇදන් ගියා කම්පියුටරයෙන් හඳහන බලවන තැනකට. ඒ කාලේ කම්පියුටර් කිව්වම හරි ලොකුයි නේ.අම්මට ඕනෙ වුනේ මගේ උසස් අධ්‍යාපනය ගැන අහගන්න. හඳහන බලපු මෑන් කිව්වා මම ඉහළට ඉගෙන ගන්නෙත් නෑ, අවුරුදු 27 වෙද්දි  කසාද දෙකකුත් කරගෙන ඉඳීයි කියලා. දැන මට තිහත් පැනලා. විවාහ වුනෙත් 29න්.

  තවත් සිද්ධියක් . මේක වුනේ මම එකොළහ වසරේ ඉද්දි. සාපෙළට මාස තුනක් වගේ කිට්ටු කරලා එකපාරටම මගේ ඇස් පේන්නේ නැතිව ගියා. දවස් දෙක තුනක් ඇතුළතදී blackout . පුද්ගලිකව මට ඒක හරිම අසීරු අවස්ථාවක්. පොතක් පතක් කියවන්න බෑ. TV එකක් බලන්න බෑ. ඉස්කෝලේ යන්න ටියුෂන් යන්න මොකුත් බෑ. කොහොම හරි Doctor කෙනෙක් චැනල් කරලා යන්තම් recover වීගෙන එද්දිම අම්මා ආයෙත් මාව තෙල් බේත් කාරයෙක් ළඟට අරන් ගියා. ඒ වෙද්දි මට පේනවා, හැබැයි අකුරු කියවන්න තරම් පේන්නේ නෑ. අනික Doctor ජී කියල තිබුණේ O/L ලියන්න ආසාවක් තියෙනවා නම් bed rest කරපන් කියලා. කොහෙමහරි තෙල් බේත් කාරයා මුස්ලිම් එකෙක්. ගරා වැටුනු ගෙයක තමයි මිනිහ ජීවත් වෙන්නේ. බ්ලොක් ගල් බිත්ති  විතරක් උස්සපු ,ඒකේත් පොඩි කොටසකට විතරක් තහඩු වහලයක් ගහල. අනෙක් බිත්තිවල ගල් පාසී බැඳිලා. පේන.විදියට ඒ බිත්ති බැඳල අවුරුදු 10ක් වත් අව්වට වේලිලා වැස්සට තෙමිලා. ඒ වගේ මිනිහෙක්ගෙන් තමයි අපේ මිනිස්සු තමන්ගේ ජීවිතවල ගැටලු විසඳගන්න යන්නේ. අපේ වාරේ ආවම මිනිහා ඇහුවා අපේ ප්‍රශ්නේ. මගේ ඇස් පෙනීම මදි කිව්වම මෑන්ස් රෙදි පට්යක් මගේ ඹලුව ව⁣ටේ බැඳලා අරාබියෙන්ද මන්දා හෑලි වගයක් කියෙව්වා. කියවලා මගෙන් ඇහුවා ඒවා කියවද්දි මගේ ඇස් වලට තරු පත්තු වෙනවා වගේ නේද කියලා. මට මෙලෝ දෙයක් පෙනුනේ නැතත් පව්නේ අහිංසක මිනිහා කියලා ඔව් ඔව් කිව්වා.මිනිහටත් සතුටුයි. අපේ අම්මටත් සතුටුයි.පස්සේ ගෙදර එන ගමන් අම්මට කිව්වා මං බොරු කිව්වේ කියලා.

  උසස් පෙළ කරන කාලේ වගේ වෙද්දි නම්  මට මිථ්‍යා දේවල් වලට කිසිම බලපෑමක් තිබුණේ නෑ. අම්මා දැනගත්තා මම හැදෙන එකෙක් නොවෙන බව.අම්මා නම් අදටත් තනිකර මිථ්‍යාවේ කරවටක් ගිලිලා. සිලුත් ගන්නවා. දේවාල සංචාරෙත් යනවා. ෆෙන්ෂුයි මඟුලුත් කරනවා. ඒ මිනිස්සුන්ව කියල හදන්න පුලුවන් වයසකත් නොවෙයි ඉන්නේ. හවසට මහ හයියෙන් පිරිත් කියවනවා. හින්දි සිංදු කියනවා වගේ කිව්වට ඒකේ තේරුම දන්නෙත් නෑ.පුරුද්දට කරනවා. වයසක නොවෙයි සමහර තරුණ කෙල්ලො කොල්ලොත් එහෙමයි.
අනෙක් මිනිස්සු කරන හින්දා කරනවා.මිථ්‍යාවේ බඩ පිනුම් ගහනවා. ගමක මනුස්සයෙක් එක්ක මොනව හරි දෙයකට ගැටුමක් ඇති වුනොත් පොලිසි යනවා legal action ගන්න⁣වා කිව්⁣වොත්  මිනිස්ස බය නෑ. හැබැයි දේවාලෙකට යනවා පොල් ගහනවා හූනියමක් කරනවා කිව්වම බයයි . ඒක තමයි ඇත්ත කතාව

Monday, April 30, 2018

අපි වැටුපට හීලෑ වුණු කම්කරුවෝ බොලව්

  
ලොව බොහොමයක් කම්කරුවෝ වෙති
එහෙත් එය නොදනිති
තමන් කම්කරුවන් බව නොදත්
කම්කරුවන්
කම්කරු වැඩෙහි යෙදෙති.
කොන්ක්‍රීට් අනති.
දොස්තර නළාව පළදති.
ටයි පටි පළදති
ක්‍රිකට් ගසති
.....................
.....................
.....................
කම්කරුවෝ........
අනෙක් කම්කරුවන්ට සිනාසෙති

Friday, April 20, 2018

වහන්න ලේසියි

පහුගිය දවසක හොරණ පැත්තේ එක්තරා කර්මාන්ත ශාලාවක වෙච්ච යම් අනතුරකින් ඇමෝනියා ආඝ්‍රාණය වෙලා කීපදෙනෙක් මියගියා. ඒක බරපතළ කාරණයක්. අදාල ආයතනයේ නොසැලකිලිමත් කම, safety precautions අනුගමනය නොකිරීම, ප්‍රථමාධාර සම්බන්ධයෙන් හාන්කවිසියක් නොදන්නාකම ආදී කාරණා ගණනාවක් හේතුවෙන් මිනිස් ජීවිත කිහිපයක් අහිමි වෙනවා.කර්මාන්තශාලාවේ කළමනාකරු අත්අඩංගුවට පත්වෙනවා. දැන් අදාළ සිදුවීමෙන් අනතුරුව දේශපාලන තීන්දු තීරණ ගන්නා උදවිය එම කර්මාන්තශාලාව වසා දමන්නට තීරණය කරලා. මේ තීරණය හරිද?

     දියුණුවෙමින් පවතින රටවල්වලට කර්මාන්තශාලා කියන්නේ විශාල සම්පතක්, හොඳ ආයෝජනයක්. රැකියා අවස්ථා ඇතිවෙලා මිනිස්සු රටට බරක් නොවෙන එකම මදිද. අනතුරක් සිදු වූ පමණින් හැරෙන තැපෑලෙන් කර්මාන්තශාලාවක් වසා දැමීමට තීරණය කිරීමෙන් අපට පේන්නේ මේ රටේ තීන්දු තීරණ ගන්නාවුන් ආයෝජකයන් දිහා බලන විදිය. අපි ආයෝජකයන් දිහා අපරාධකරුවන් හැටියට බලනවා නම් අපි වගේ රටවලට ආයෝජකයන් එන්න කලින් දෙපාරක් හිතයි.හැට ගණන් වලදි Lee kuan yew එංගලන්තෙ සංචාරයකදී  කියනවා " අපිට අධාර එපා . අපිට ඕනේ ආයෝජන". හැබැයි අපි නම් දකින්නේ අපේ රටේ නායකයෝ දියුණු රටවලට ගිහින් අාධාර හිඟාගෙන එනවා මිසක් ආයෝජන රැගෙන එනවා නම් නොවෙයි.අඩුම තරමේ හොඳ රටකට රාජ්‍යතාන්ත්‍රික සංචාරයක් යද්දි හොඳ Project proposals දෙක තුනක් අරන් යනවද කියලවත් මටනම් විශ්වාසයක් නැහැ.
   දැන් දේශීය හරි විදේශීය හරි ආයෝජකයන් ඇවිල්ලා ව්‍යාපෘතියක් පටන් ගත්තා කියමුකො. දැන් රජයක වගකීම එතනින් අවසානද? අදාළ කර්මාන්තශාලා රටේ නීතියට වැඩ කරනවද , පරිසර හානි සිදු කරනවද , safety standard follow  කරනවද ආදී විවිධාකාර කාරණා ගැන පසුවිපරමක් කරනවද?  රටේ වැඩ වෙන විදියට නම් පේන්නේ එහෙම කිසිම පසුවිපරමක් නෑ. රටේ තියෙන සියලුම කර්මාන්තශාලා (කුඩා පරිමාණ හෝ මහා පරිමාණ ) අවම  තත්ව සහතිකයක්වත් දෙන වැඩපිළිවෙළක් වත් තියෙනවද? කර්මාන්තශාලාවල අනතුරු ඇතිවීම අස්වාභාවික දෙයක් නොවෙයි. එහෙම දේවල් සිදුවෙනවා. අනතුරු සිදුවූ පළියට කර්මාන්තශාලා වසා දැමීමට සිදුවුන⁣හොත් රටේ කර්මාන්තශාලා බොහෝමයක් වසා දමන්නට සිදුවේවි. තාක්ෂණයෙන් අපට වඩා බොහෝමයක් දියුණු රටවල වුනත් අනතුරු සිදුවෙනවා. අනතුරු සිදුවීම් පාලනය කරන්නට නීතී පද්ධති , හදිසි අවස්ථාවන් සඳහා නිසි පුහුණුවීම් , ප්‍රථමාධාර වැඩසටහන් , safety equipments පැළදීමට උනන්දු කිරීම් ආදිය සිදුකරනවා හැරෙන්නට කර්මාන්තශාලා වසා දමන එක විහිළුවක්. මම traning හිටපු අපේ රටේ ප්‍රසිද්ධ කර්මාන්තශාලාවක මම යන්න ටික කාලයකට කලින් යන්ත්‍රයකින් අනතුරක් වෙලා තරුණයෙක් මිය ගිහින් තිබුණා. මම යද්දි ඒ යන්ත්‍රයට අලුත් pneumatic safety system එකකුත් camera system එකකුත් එම යන්ත්‍රයට ඉංජිනේරුවන් විසින් හඳුන්වා දී තිබුණා. අපට ඒ ආයතනය කියපු හැටියට රටේ GDP එකෙන් 4% ආසන්න ප්‍රමාණයක් හොයන්නෙ ඔවුන්. කොහොමද අනතුරක් සිදු වූ පමණින් එවැනි කම්පැනියක් වසා දැමුවහොත් රටේ ආර්ථිකයට වන අලාභය.රජයකට පුලුවන් කර්මාන්තශාලා ආදියට Zero accident policy එකක් අනුගමනය කරවන්නට පොළඹවන්නට වගේම අධීක්ෂණය කරන්නට . කර්මාන්තශාලා තමන්ගේ තත්ව සහතික ටික අාඩම්බරයෙන් ප්‍රදර්ශනය කරනවා වගේ   අනතුරු සම්බන්ධයෙනුත් Rating system එකක් හදල ප්‍රදර්ශනය කරන්න⁣ට පුලුවන් නම් හොඳ ප්‍රතිඵලයක් අනාගතයට තියෙයි.

Wednesday, April 18, 2018

මන්දපෝෂණය හෙට නොවෙයි අද

(මෙහි අවධානය සම්පූර්ණයෙන්ම වෙන් වන්නේ මන්දපෝෂණයෙම අතුරු කතාවක් වන ⁣ප්‍රෝටීන් ඌනතාවය ගැන ⁣කෙටි අදහසකට)

   මන්දපෝෂණයෙන් ලංකාව දකුණු ආසියාවෙන් දෙවෙනි තැනට කිව්ව ගමන් මගේ මතකයට ආවේ පහුගිය කාලේ TNL එකේ විකාශය වුන වැඩසටහනක් . රොෂාන් රණවණ කියන නළුවත් ඒකට සම්බන්ධ වෙනවා. උන් කරන්නෙ මිනිස්සුන්ට නිර්මාංශ වීමෙ වැදගත්කම promote කරන එක. ඒ වැඩසටහනම පිස්සු විකාරයක්. මිළ මුදල් යහමින් තියෙන එකෙක්ට නිර්මාංශාහාර ගන්න ගමන් නිරෝගී ජීවිතයක් ගත කරන්න පුලුවන් ඇති . මොකද ⁣ප්‍රෝටීන් බහුල ආහාර වෙන්නේ බිත්තර ,මස්, මාළු. එහෙම නැතිව ප්‍රෝටීන් සිරුරට ගන්නනම් ලොකු මිළක් ගෙවන්න වෙනවා. අපි හිතන් හිටියට පරිප්පු දඹල වල ප්‍රෝටීන් බහුලයි කියල ඔය කියන තරමේ ප්‍රෝටීන් ප්‍රමාණයක් ඒවයෙ නෑ. ඉතින් සල්ලි කාරයෝ කීපදෙනෙක් TV channel එකකට ඇවිත් නිර්මාංශ වීම ගැන ලොරි ටෝක් දුන්නම කෙළවෙන්නෙ ඕක බලන් ඉන්න දුප්පත් මිනිහට. උෟ එච්චර කාලයක් කෑම වේලට එකට එකතු කරපු බිත්තරයත් අතුරුදන් වෙන එක තමයි එ්කෙන් වෙන්නෙ. අර නළු නිළියන් පිරිසගෙ බඩට නම් පලතුරු ටික, හොඳ fresh milk ටික පෝෂ්‍යදායි කෑම ටික, විටමින් පෙති ටික වෙලාවට වැටෙයි . හැබැයි උන් කරන්නේ දැන හෝ නොදැන  තමන්ගේ ජනප්‍රියත්වය පාවිච්චි කරලා පෝෂණය ගැන දුර්මත මිනිස්සුන්ගෙ ඔලු වලට පුරවන එක.
    අනිත් කාරණය තමයි පහුගිය කාලේම Trend එකක් වෙච්චි හාමුදුරුවරු විසින් මස් කඩ බලපත්‍ර මිළදී ගෙන මස්කඩ වසා දැමීම. තමන් මාංශ ආහාරයට ගන්නෙ නැතිවුනා කියලා  තවකෙකුට මාංශ ආහාරයට ගැනීමට තියෙන අයිතිය නැති කරන එක කියන්නේ කුහකකමේ ප්‍රතිමූර්තිය. තමන් ආහාරවලට සීමා දාගන්න එක වෙනයි ඒක බලහත්කාරයෙන් අනෙකුන්ට පටවන එක පිස්සුවක්. ආහාර ගැන සෞඛ්‍යමය ගැටලු තියෙනවානම් එ් ගැන කතා කරන්න ඇති තරම් පෝෂණවේදීයෝ දොස්තරවරු ඉද්දි හාමුදුරුවෝ ඒ job එක කරන්න ඕනේ නෑනේ නේද?
   මිනිස්සුන්ගෙ දන්ත ව්‍යූහය විතරක්  නෙවෙයි අහාර ජීර්ණ පද්ධතිය හැදිල තියෙන්නෙත් මාංශ භක්ෂක විදියට . මතක තබා ගන්න මිනසා කෘෂිකාර්මික යුගයට එන්නට කලින සිටියේ දඩයම් යුගයේ බව. පුලුවන් තරම් ඔබේ අහාරයට බිත්තර මස් මාළු එක්කර ගන්න.

Monday, April 16, 2018

   සෞදි අරාබියට WWE Wrestling

  ලෝකෙන් කොන් වෙලා තිබුණ පට්ට් ගෝත්‍රික නීතී සමූහයක් තියෙන සෞදිය පහුගිය කාලේ සමහර ⁣අංශවලින් හිතාගන්න බැරි විදියට වෙනස් වුනා. කාන්තාවන්ට රිය පැදවීමට ඇති අයිතිය වගේම සෞදි හමුදාවන්ට කාන්තා සෙබළුන් බඳවා ගැනීමත් මෙහිදී විශේෂයි. මේකේ අලුත්ම කාරණය තමයි WWE wrestling event එකක් මේ අවුරුද්දෙදි සෞදි අරාබියේ තියෙන එක.වැදගත්ම දේ WWE එකට එන්න කියන්නෙ සෞදි රාජ්‍යය වීම.

     Script එකකට ගහ ගන්න wwe සමහරවිට ඔබට අල්ලලා යන්නෙ නැතිව ඇති. ඒත් මේකේ තියෙන වැදගත්ම කාරණය තමයි ඒ වගේ Entertainment event එකක් සෞදියට  රැගෙන එන  එකේ තියෙන තිරෙන් පිටුපස තියෙන පණිවිඩය. ඒ තමයි සෞදි අරාබිය දවසෙන් දවස ලෝකෙට විවෘත වෙනවා කියන එක. ආශ්චර්යය , යහපාලනය වගේ වචනයකට category කරල නැතත් මේ විවෘත වීම හරියටම සිද්ධ වෙනවා.

  සෞදිය වගේ පසුගාමී මානසිකත්වයක් තිබුණ රටකට ("තිබුණ" කියන වචනයට සුදුසුයි) දැඩි ආගමික මතවාදයන්, ආගමික සංස්ථාවේ කකුලෙන් ඇදීම ගණනකට ⁣ගන්නෙ නැතිව ඒ රටේ කුමාරයා තීන්දු තීරණ ගන්න හැටි අපූරුයි. අනාගත දැක්මක් වගේම තමන් ගන්න තීන්දු තීරණ ක්‍රියාත්මක කරන්නට අවශ්‍ය කශේරුකාවත් ඔහුට තිබෙන බව මේ ටික කාලයට ඔහු පෙන්වා තිබෙනවා. මේ වෙනස සෞදියට අලුත් පෙනුමක් අලුත් හැඩයක් එකතු කරමින් පවතිනවා. 2025 වෙද්දි මේ වෙනස සෞදි අරාබිය ලෝකේ වැදගත් රටක් බවට පත් කරාවි.

Friday, March 30, 2018

බස් එකේද යන්නෙ? මේ ගැන දැනුවත් ද?

    දිනපතා බස්රථ වල ගමන් ගන්නා ඔබ බොහෝවිට කොන්දොස්තරගේ හෝ රියදුරු ගේ තාඩන පීඩන වට ලක්වීම නිරන්තරයෙන් සිදුවේ. අඩුම තරමින් බස් රථයේ ඔබ සිටිය යුතු ස්ථානය පමණක් නොව අත පය තබා ගන්නා ආකාරය පවා තීරණය කරනුයේ කොන්දොස්තරය.ඉඳහිට කෙනෙක් දෙන්නෙක්  විරෝධය පෑමක් කරනවා හැරෙන්නට අනෙකුත් මඟීන්  මරන්නට රැගෙන යන කුකුළන් මෙන් බස්රථ තුළ සිරවී ගමන් කරති . උදෑසනම ඇතිවන දැඩි මානසික හා කායික තෙහෙට්ටුව මතින් ඔවුන් රැකියා ස්ථානයට යති, පාසලට යති. දවස නිමාකර නැවත නිවසට පැමිණෙන්නේ ද මෙලෙසිනි .මඟීන් හැටියට තමන්ට හිමි අයිතිවාසිකම්  පිළිබඳ ඔවුන් නොදනිති.

බස් රථයක ගමන් ගන්නා මඟියෙකුට ඇති අයිතිවාසිකම්

01. ගමන ආරම්භයේදි බස් නැවතුම්පොළින්බස් රථය පිටත් වීමට පෙර ප්‍රවේශපතක් ලබා ගැනීමට ඔබට අයිතියක් ඇත.

02.බස් රථයට නැඟුණු ස්ථානය හා බැසයන ස්ථානය ,බස් ගාස්තුව ,දිනය, බස් රථයේ අංකය සඳහන් විධිමත් ප්‍රවේශපතක් ඔබට ලබා ගත හැකිවිය යුතුයි.

03.ගෙවන ලැබූ ගාස්තුවට අදාල ගමනාන්තය දක්වා ආරක්ෂාකාරීව බස් රථයේ ගමන් කිරීමට හැකිවිය යුතුයි.

04.විධිමත් ඇඳුමකින් සැරසුණු විනීත හා ආචාරශීලී ඇවතුම් හා පැවතුම්වලින් යුත් රියදුරුවරයා හා කොන්දොස්තරවරයාගේ සේවය ඔබට ලබා ගත හැකිවිය යුතුයි.

05.සාමාන්‍ය සේවා බස් රථයකනම් වයස අවුරුදු  3ට වැඩි 12ට අඩු ළමුන් සඳහා නියමිත ගාස්තුවෙන් අඩක් ගෙවා බසයේ ගමන් කළ හැක.

06. සුඛෝපභෝගී බස් රථයක් නම් ප්‍රමාණවත් වායු සමීකරණ තත්වයක් ලබා ගැනීමට හා අනුමත ආසන ගණනට වැඩි නොවන මඟීන් සංඛ්‍යාවක් ප්‍රවාහනය කරනු ලබන පහසුවෙන් ගමන් කළ හැකි සේවාවක් ලැබීමට ඔබට හැකිවේ.

07. පොදු ප්‍රවාහන සේවා බස් රථය නීත්‍යානුකූලවම දුම්බීම තහනම් කලාපයක් වන බැවින් දුම්වැටි දුමෙන් තොර පරිසරයක ගමන් කිරීමට මඟීන්ට අයිතියක් ඇත.

08.බස් රථය අධික වේගයෙන් සහ නොසැලකිලිමත් ලෙස හෝ අනතුරුදායක ලෙස මාර්ග නීතී උල්ලංඝනය කරමින් පදවන්නේ නම් එයට විරුද්ධ වීමට ඔබට අයිතියක් ඇත. බස් රථය ධාවනය කරවන වියදී රියදුරු ජංගම දුරකතනයෙන් සංවාදවල යෙදීමට විරුද්ධ වීමට ඔබට අයිතියක් ඇත.

09. ගුවන්විදුලි යන්ත්‍රය හැර වෙනත් ශ්‍රව්‍ය දෘශ්‍ය උපකරණයක් භාවිතා නොකරන ලබන බස් සේවාවක් ලැබීමට මෙන්ම ගුවන්විදුලි යන්ත්‍රය වුවද ශබ්දය (උපරිම ශබ්ද මට්ටම ඩෙසිබල් 80) අවහිරයක් නොවන ලෙස පාවිච්චි කරන බස් රථයක ගමන් ගැනීමට මඟී ඔබට අයිතියක් ඇත.

10. අවසරපත්‍රයේ අධිකාරිය යටතේ ධාවනය කරන බස් රථයේ දොරවල් බස් රථය ධාවනය කෙරෙන අතරතුර වසා තිබෙන බවට ඔබට තහවුරු විය යුතුයි.

11. ගාස්තු ගෙවන මඟියා බස් රථයේ වැදගත්ම පුද්ගලයා වන බැවින් ඒ සඳහා වන ගෞරවය හා සැලකිල්ල ලැබීමට හැකි විය යුතුයි.

12. මත්පැන් හෝ මත්ද්‍රව්‍ය භාවිතයෙන් තොර බස් සේවක කණ්ඩායම් වල සේවය ඔබට ලබා ගත හැකි විය යුතුයි.

13. අර්ධ සුඛෝපභෝගී බස් රථවල අනුමත ආසන ගණනට වැඩි නොවන මඟීන් සංඛ්‍යාවක් ප්‍රවාහනය කරනු ලබන බවට ඔබට තහවුරු කර ගත හැකි වේ

14.බස් රථය නියමිත වේලාවට ගමන් ඇරඹීමට හා ගමන් නියමිත වේලාවට නිම කරනු ලබන බවට ඔබට තහවුරු විය යුතුයි.
ගමන් ඇරඹීමට නියමිත වේලාව හා ගමන නිම කිරීමට නියමිත වේලාව බස් රථයේ ප්‍රදර්ශනය කරනු ලැබේ.

අන්තර් පළාත් ධාවනය සඳහා අවසර ලත් බස් රථ විසින් මඟින් වෙත සැපයීමට එකඟ වී ඇති කොන්දේසි :

01.බස් රථය විසින් එතුළ ගමන් ගන්නා මඟින් සහ තුන්වන පාර්ශවය ( පදිකයන් ,අනෙකුත් වාහන සහ දේපළ) සඳහා අසීමිත වගකීමක් යටතේ රක්ෂණ සහතිකයක් ලබාගෙන තිබිය යුතුයි.

02. බස් රථය තුළ ගිනි නිවීමේ උපකරණයක් තිබිය යුතුයි.

03. මඟින් සහිතව සේවාවේ ධාවනය කරමින් පවතින අතරතුරදී අතරමඟ ඉන්ධන පිරවුම්හල් වලින් බස් රථයට ඉන්ධන යෙදීම  නොකළ යුතුයි.

04. බස් සේවක කණ්ඩායම වැදගත් හැසිරීමකින් මෙන්ම විධිමත් ඇඳුමකින් සැරසී සේවයේ යෙදිය යුතු අතර ඔහු/ඇය තමාගේ සේවය පිළිබඳ මනා පුහුණුවක් ලැබූ අයෙකු මෙන්ම ජාතික ගමනාගමන කොමිෂන් සභාවේ ලියාපදිංචි වූ අයෙකු බවට නිකුත් කරනු ලැබූ හැඳුනුම්පත සේවයේ යෙදී සිටින විට පැළඳ සිටිය යුතුය.

05. බස් රථය ගමනාරම්භයේදිම බස් නැවතුම්පොළින් පිටත් වීමට පෙර බස් රථයේ සිටින සියලුම මඟීන්ට ප්‍රවේශපත් නිකුත් කළ යුතු අතර අතරමඟදී බස් රථයට ඇතුළු වන සියලුම මඟීන්ට ඒ අවස්ථාවෙදීම ප්‍රවේශපත් නිකුත් කළ යුතුය. ඒ සඳහා ප්‍රවේශපත් නිකුත් කිරීමේ විද්‍යුත් යන්ත්‍ර භාවිතා කළ යුතුයි.

06. අර්ධ සුඛෝපභෝගී හා සුඛෝපභෝගී බස් රථවල ආසනගත මගීන් පමණක් ප්‍රවාහනය කළයුතු අතර සිටගෙන මඟීන් ගෙනයාම තහනම් වේ.

07. බස් රථයේ ගමන් ගන්නා මඟීන්ට දැනගැනීම පිණිස බස් ගාස්තු සටහන, බස් රථය ගමන් ආරම්භ කරන වේලාව, ගමනාන්තයට ළඟාවන වේලාව, රියදුරු සහ කොන්දොස්තරගෙ ලියාපදිංචි අංක,බස් රථයේ අංකය බස් රථය තුළ ප්‍රදර්ශනය කළ යුතුය

08. බස් රථය තුළ ක්‍රියාත්මක වන ඔරලෝසුවක් තිබිය යුතුයි.

09. බස් රථය ඇතුළත විදුලි පරිපථ මඟින් කෙරෙන සැරසිලි වෙනත් සැරසිලිද  නොකළ යුතුයි.

(ජාතික ගමනාගමන කොමිෂන් සභාවේ " ඇරඹුම යහපත් - පෙරමඟ පැහැපත්"  අත්පොතෙන් උපුටා ගෙන සමබිම සඟරාවේ පළ වූවකි)