Friday, January 5, 2018

බුදුන් උපන්නේ ලංකවෙද

මෙය කොසොල් රජු දුටු දාහත්වන සිහිනයයි සිහින 16 ක් ප්‍රකට වන අතර මෙය අප්‍රකට 17වන සිහිනයයි. (Day Dreams Updated Version)

 
කොසොල් රජතුමා නින්දේදී සිහින 17 ක් දක්නා ලදී.ඈපා පාංචාංග ලිතේ හූනූ පලාඵල මිසක් හීන පලාඵල නැතැයි දැනගත් රජු හීන විසඳමට පුරෝහිතයන් අැතුළත් ජනාධිපති කොමිසමක් පත් කරනා ලද්දේය.  උදේ ඉඳන් රෑ වෙනකන් අන්තපුර ළඳුන් ගේ  සංවර්ධන ව්‍යාපෘති අධීක්ෂණය කොරනවා හැර වෙන යමක් නොකරනා රජා දකින ගොන් හීන විසඳීම මොන කෙසෙල් පුෂ්පයක් දැයි සිතූ ඒකාබද්ධ පුරෝහිත කණ්ඩායම හීන විසඳන්නේ නැතැයි දැඩි වෘත්තිය ක්‍රියා මාර්ගයකට එළඹෙන ලදි. මාසේ අවසානයේ ලීසිං ගෙවා ගනු බැරිව වෘත්තිය ක්‍රියා මාර්ගය අවසන් වන බව ටක්කෙටම දන්නා කොසොල් රජු හීන කතන්දර ටික විසඳීමට බුදුන් වහන්සේට transfer කරන ලද්දාය.  හරකා හැරෙන්නේ ඩෙල්ටා ටොෆීයක් කා ටොෆී කොළය අඩියක් අදින්නට නොවන බව දැනගත් උන්නාන්සේ දේවදත්තගේ ව්‍යාවස්තා විරෝධය, විශ්වාසභංග ආදී තර්ජන නොතකා රාජකීය හීන විසඳීමට ඉදිරිපත් විය.
  
  භාග්යවතුන් වහන්ස , මා දුටු පළමුවන සින් එක මෙයයි .
කළු පාට ගොනුන් සතර දෙනෙකු සතර දිශාවෙන් ගොන් පොරය සඳහා දූවිලි අවුස්සාගෙන චන්ද පෝස්ටර ගැළවීමට දිව එන මහින්ද දේශප්‍රියානෝ මෙන් අශ්ප වේගයෙන් දිව එනවා . Audience එක ඒ දෙස මහත් වූ උද්යෝගයෙන් ඉරාජ්ගේ music video එකක් බලන්නා සේ සිටී. නමුත් පසුව පොරයට පැමිණි ගොනුන් සතර දෙනා එකවරම ආසන්නයටම පැමිණ නැවතත් ආපසු හැරී පොලිසිය දුටු අන්තරේ සිසුන් මෙන් දිව ගියා. උද්යෝගයෙන් සිටි නරඹන්නන් ගොන් පොරය බලන්නට බැරි වී දුක් වුණා. මට මෙහි තෙරුම හිතා ගන්ට බෑ."

රජතුමනී. මෙය ඔබට හෝ රටට අද හෙට සිදුවන දෙයක් නෙමේ. මෙය සිදුවන්නේ අනාගතයේ දී .අනාගතයේ දී රටේ අධාර්මික පාලකයන් නිසා රටේ දේශගුණයත් ,කාලගුණයත් සම්පූර්ණයෙන් වෙනස් වෙනවා.බ්ලා බ්ලා බ්ලා යැයි පසුවට බණකට දෙසන්නට සිටි යමක් දෙසා සුප් එකයි රැවුලයි දෙකම බේරා ගන්නා ලද්දේය. මේ අකාරයටම location 16ක සිදුවීම් 16 කට පිටිය සිසාරා හරවා හරවා පහර දෙන්නා රෝහිත ෂරමානන් මෙන් උන්නාන්සේද පිළිතුර දෙන්නා වීය.
දෙන්නා වූ පිලිතුරු හා හොඳයි යැයි මුවින් නොබැන පිළිගත්තා වූ king කොසොල්  අවසානයේදී  කඩයිම් ප්‍රශ්නය ඉදිරිපත් කරනා ලද්දාය.

භාග්යවතුන් වහන්ස , මා දුටු දාහත්වන සින්ස් එක මෙයයි .කණ්ඩායම් දෙකකට බෙදුනා වූ මී හරකුන් රෑනක් birth certificate වැනි යමක් ගෙන දෙපසට බෙදී  එක් පිළක් අහසට පිඹිනා එරන් කළේයා කරද්දි අනෙක් පිළ පස්ස බැලුවොත් දෙසඣා යනුවෙන් මොර ගෑවෝය. මෙහි තේරුම කිමැයි යනුවෙන් විමසන්නට විය.

  හීනය ඇසූ උන්නාන්සේට හීන් දාඩිය දමන්නට වූ බැවින් singer එකෙන් ගෙවීමේ ක්‍රමයට ගත්තා වූ 9000btu AC යුනිටයේ ශීතල වැඩි නොකරන්නේ මන්දැයි විමසීය.

  මන් නොව තොට ඕනෑනම් තෝම වැඩි කර ගනින් පැවසූ king කොසොල් රිමෝට් රාජයා උන්වහන්සේ දෙසට ගුවන් ගතකරන්නට විය. දෝතටම පූජා කරන්නා වූ උඩ පන්දු යකපුටින් පවා  යවන්නා සිරි ලංකා ක්‍රිකටර් කෙනෙක් වෙන් රිමෝට් රාජායා අතහැරූ උන්නාන්සේ king කොසොල් ළඟ මෙසේ පැවසීය.

රජතුමනී. මෙය ඔබට හෝ රටට අද හෙට සිදුවන දෙයක් නෙමේ.මෙය සිදුවන්නේ වෙන කවරකටත් නොව මාහටමය  අනාගතයේ මාගේ අනුගාමිකයන් දෙපළට බෙදී මා ඉපදුනේ කොහිදැ,වින්නඹු අම්මා කවරහුදැයි , පෙකනි වැල කැපුවේ කුමකින්දැයි ආදිය තෙපළමින් කාලය කා දමන්නනෝ වම්හ. ඒ මදිවට අඩු තරමේ දකුණු ඉන්දියාව පැත්ත පළාතක වත් පස් නොපෑගු  මා ඔවුන්ගේ දේශයට තෙවරක් පැමිණි බව පවසමින් අහංකාර වන්නෝ වම්හ. පස්වන විධායක රජතුමි තැන්පත් මිහිඳු පර්සි රජපස් මාගේ නෑදෑ සනුහරේ වෙතැයි පූචානම් දොඩති. ඈත දේශයක පිහිටි මක්කම නම් නගරයක මාගෙ පා සටහනක් ඇතැයි නරි වාදම් දෙසති. ඊශ්‍රායලයේ උපන් ජේසුතුමන් මාගේ ගෝලයකියැයි කේශ ධාතූ පැලෙනා තර්ක මතු කරති.
  එබැවින් 17වන සිහින එපිසෝඩය මාධ්‍ය වලට නොදෙන්නාක් මෙන් king කොසොල් ගෙන් අයදින්නට විය. මුවින් නොබැනූ king කොසොල්  අන්තපුර අමාත්‍යාංශය දෙසට පිය නඟන්නට විය...

3 comments:

  1. ඔයත් කරල තියෙන්නෙ ඒකම තමයි. ඉතා විශ්වාසයෙන් බුදුහාමුදුරුවන් අරක කරා මේක කරා කියල ඔයාගෙ මතය දක්වලා ....

    Welcome to the party...!!!

    ReplyDelete