චන්ද්‍රිකාට ගල් ගහන්ඩ කලින්....

පිරිමින්ට ආතල් දෙන
ගෑණුන්ට දෙසදෙවල් දෙන
බීම පාපයක් නම්
ස්ත්‍රී ලිංගෙට විතරක්
එහෙම වෙන්නේ කෝමැයි?

හැමදාම නිදහස්

විජය යක්ෂ ගෝත්‍රිකයන්ගෙන් නිදහස් කළේය
එළාරගෙන් දුටුගැමුණු නිදහස් කළේය
දුටුගැමුණුගෙන් නාග කන්‍යාවක් නිදහස් කළාය
පෘතුගීසින්ගෙන් ලන්දේසි නිදහස් කළේය
ලන්දේසින්ගෙන් ඉංග්‍රීසි නිදහස් කළේය
ඉංග්‍රීසීන් අපෙන් නිදහස් වුනේ්ය
DS ගෙන්, කොතලාවලගෙන්, JR ගෙන්
දාසගෙන් මැඩම්ගෙන් මදිවට MR ගෙන්
ප්‍රභාගෙන් මදිවට විජේවීරගෙන්
නිදහස් වූයෙමු .....
ඉදින් අප හැමදාම නිදහස් වන්නෙමු
ඊයෙත් අදත් හෙටත්
අප නිදහස් වන්නෙමු......

විල්පත්තුව ගැන කෙටියෙන් .....

   විල්පත්තු විනාශය ට ගොඩක් දෙනෙක්ට අවුල තියෙන්නේ මුස්ලිම් දේශපාලුවෙක් කරන නිසා, ඒකට චෝදනා කරන බොහෝ පිරිසක් දිහා බැලුවම ඒක පේනවා.අනික තමයි පාරේ යන ගමන් කුණු ටික හලාගෙන යන එකා ආතල් එකට කැලෑ ගිනි තියන එකා, බීලා බියර් කෑන් එක මෙගා බෝතලේ පරිසරයට මුදා හරින එක විල්පත්තුව ඉස්සරහ සිංහයෝ වෙනවා. විල්පත්තුව රැක ගත යුතුයි , ඒකේ දෙගිඩියාවක නෑ, එ් වගේම අර මම කියපු කුහකත්වයටත් ඇමතිය යුතුමයි. නැත්නම් අන්තිමට විල්පත්තුව විතරක් ඉතිරි වෙයි