Tuesday, March 7, 2017

බුදු රුව කියලා ෂුවර් ද?



          ෆේස්බුකියේ පොඩ්ඩක් එහෙ මෙහෙ සැරිසරද්දි ඔබත් අනිවාර්යයෙන් මේ වගේ post දැකලා ඇති. සමහරවිට Share කරලත් ඇති.
 මීට වසර 15කට පමණ පෙර මා ගමන් කරමින් සිටි බස් රථයෙ විදේශික සුදු කාන්තවක් ගමන් කලා.ඇයගේ ගමනාන්ථය වූයේ එම මාර්ගයේම පැවති භාවනා මධයස්ථානයක්.විශේෂත්වය වූයේ ඇය ඇඳි කහ පාට් T-shirt එකේ අපි හොඳින් දැක ඇති ගෞතම බුදුන්ගේ විශාල රූපයක් කර තිබුණා.ඇය එමඟින් බුදු දහමට අවමන්  කිරීමට කිසිසේත්ම උත්සාහ කළ බවක් නොපෙණුනා වගේම මීට වසර 15 කට තරම ඉහතකදී එම ක්රියාව ඉවසා සිටීමට තරම් හික්මීමක් මිනිසුන් හට තිබුණා. මොහොතකට සිතුවොත් අද වගේ දවසක සුද්දෙක් එහෙම ඇඳන් පාරේ ගියොත්? කතා දෙකක් නෑ සුද්දට පැණි බේරෙන්ඩ කන්න වෙනව. මතකනේ දැනට අවුරුදු දෙක තුනකට කලින් බුදුන්ගේ රූපයට සමාන Tatoo එකක් ගහන හිටියා කියලා විදේශික කාන්තාවක් රටින් පිටමන් කරා.
මට තියෙන ප්රශ්ණෙ ඒක නෙවෙයි. ඔබට හොඳටම Sure ඔබ බුදුන්ගේ යැයි මැරෙන්න හදන රූපය බුදුන්ගෙම කියලා. ( මැරෙන්න හදනවා කියලා කිව්වේ හැමදේම අතහරින්න පුරුදු කරපු බුදුන්ගේ අද අනුගාමිකයෝ බුදුන්ගේ රූපය අල්ල ගන්ඩ හදන නිසා)
ගෞතම බුදුන් හිටපු කාලේ Photos තිබුණේ නෑනේ.අඩුම තරමේ බලාගෙන ඇඳපු රූපයක් වත් මමනම් දැකල නෑ.මේක අනිත් ආගමික නායකයින්ටත් අදාලයි.පහළ තියෙන photos දෙකෙන් එකක් අවුකන පිළිමය. අනෙක තමයි ගෞතම බුදුන්ටම සමකාලීන ඉන්දියාවෙම හිටපු ජෛන ආගමේ මහාවීර. බලන්න පොඩ්ඩක් මේ රූප දෙකේ තියෙන සමානකම්.


මටනම් තියෙන එකම අසමානකම තමයි මහාවීරගේ පිළිමය හෙළුවෙන් තිබීම, හැර මුහුණුවරේ වගේම අඟ පසඟ පවා වැඩිමනක් වෙනසක් නෑ.දැන් ඕනෙනම් අපට මෙහෙම හිතන්න පුළුවන්,
01. ගෞතම බුදුන් මෙන්ම මහාවීරත් අහම්බෙන් එක පෙනුම වීම
02. කාලේ පිළිම නෙලන්නෝ එකම ගුරු කුලයක වීමෙන් ඉන්දියාවේ හදපු හැම පිළිමයක්ම එක වගේ වීම.එතකොට පසුකාලීනව ලංකාවට එන්නේ පිළිම වලට Common වෙච්ච රූපයක්.අපි ඒක අල්ල ගන්නවා ගෞතම බුදුන්ගේ Image එක හැටියට. තව කාරණාත් ඇති. මම ලිවිවේ මට හිතුණ විදිය. දැන් බැරිවෙලාවත් ලංකාවෙත් ජෛන ආගම්කාරයෝ දෙතුන් දාහක ඉඳලා ඔවුනුත් මහාවීරගේ පිළිමයක් හැදුවනම් මොනවා නොවෙයිද? මෙකේ මිනී මැරෙයි. දූපතෙන් එහාට දැනුම බින්දුවක් වුන ඈයෝ බුදුන්ගේ රූපය මහදවල් කොල්ලකෑමක් හැටියට දකීවි.

පහළ තියෙන්නේ මහාවීරගේ තවත් පිළිම දෙකක්.
    


නිසා මීට පස්සේ බුදු රූපයක් වගේ එකක් මොකක් හරි නිර්මාණයක හරි කොහේ හරි දැක්කොත් ඉස්සර වගේ අස්ස කුලප්පු වෙන්ඩ එපා. මහාවීරද දන්නෙත් නෑනෙ.


අනෙක බුදුන්ගෙ රූපයක් අනවශ තැනක තිබිලා තමන්ගෙ දහමට හානියක් වෙනවට වඩා හානියක් වෙනවා බුදුන්ගේ අනුගාමිකයෝ ප්රසිද්ධියේ පිස්සු කෙළිනකොට.

4 comments:

  1. සිරා කතාව,බුදුහාමුදුරුවන්ගේ ධර්මයට වඩා බුද්ධාග⁣ෙම් අදාල නැති මඟුල්වලට දැන් නටන්නෙ

    ReplyDelete
  2. ඇත්ත ධර්ම කරුණු වලට ව්ඩා වෙනත් දේවල් වලටයි ප්‍රශ්ණ ඇති වන්නෙ

    ReplyDelete
  3. ඇස් විවර කරවන පෝස්ටුවක්

    ReplyDelete