2018 වසරට විශ්මිත අනාවැකි

* රථ වාහන අනතුරු අධික වසරකි.
* ඟං වතුර තත්ත්වයක්
* නායයාම් වලින් මිනිස් ජීවිත අහිමිවීම්
* රටේ⁣ කොටසකට නියං තත්වයක්
* දේශපාලන පැති මාරුවීම්
* ජීවන වියදමේ ඉහළ යෑම්

(පුරාණ සෘෂිවරුන් ගේ පුස්කොළ පොත් අධ්‍යනයෙනි)

සාඩු මොකාටද එන්නේ

ඔබ gay couple එකක්ද?
සාඩුට ප්‍රශ්නයක් නැත.
ඔබ  lesbi couple  එකක්ද ?
සාඩුට එයද ප්‍රශ්නය නැත 
කොල්ලව තනියම ඇතුලට යවනවද
සාඩුට ප්‍රශ්නයක් නැත අපට ප්‍රශ්නයකි
කෙල්ලව තනියම ඇතුලට යවනවද
ප්‍රශ්න පත්තරකි
සාඩු සාඩු සාඩු

මුහුදු සර්පයෝ ආවම සුනාමි එනවද

සුනාමි ගැන මල පොතේ අ යන්න නොදන්නා ඔබේ ළදරුවට කියා දෙන්න.

   සුනාමියක් ඇතිවිය හැකි ක්‍රම

1.මුහුද අභ්‍යන්තරයේ ඇතිවන භූමිකම්පාවකින්
    මුහුද අභ්‍යන්තරයේ ඇතිවන සෑම  භූමිකම්පාවකින්ම සුනාමි රළ ඇති වන්නේද නැග. භූ තල ඉහළ පහළ යන චලිතයකින් පමණක් සුනාමියක් ඇතිවේ.

2.විශාල උල්කාෂ්මයක් මුහුදට ඇද වැටීමෙන්.
    මෙවැනි අවස්තාවකදී සුනාමි රළ පහරක් ඇතිවන අතර ඉතා විරල සිදුවීමකි.එවැනි විශාල ප්‍රමාණයේ උල්කාෂ්මයක් පෘථිවියට ළඟා වීමට පෙර හඳුනාගත හැකි බැවින් හුඹස් බියක් ඇති කර ගත යුතු නැත.

3.මුහුද  අභ්‍යන්තරයේ නාය යෑමකින්.
4.මුහුද අභ්‍යන්තරයේ වන ගිනි කඳු  පිපරීමකින්

සුනාමි බොහෝමයක් ඇති වන්නේ මුහුද අභ්‍යන්තරයේ ඇතිවන භූ කම්පා හේතුවෙනි. භූ කම්පනයක් ඇතිවන දිනක් වේලාවක් කලින් කීමට තරම් තාක්ෂණයක් නැත.මනාලියක් බැලීමට මනමාලයෙක් පැමිණෙන්නා සේ කලින් දින වේලා වෙන් කරගෙන සුනාමි රළ පැමිණෙන්නේ නැත.භූ කම්පනයක් ඇති වූ පසු සුනාමි අවදානමක් ඇති බවට අනතුරු ඇඟවීමක් පමණක් සිදු කිරීමට හැකි බැවින් එලෙස අනතුරු ඇඟවීමක් අදාල ආයතනකින් සිදු කළවිට පමණක් අනතුරුදායක ස්ථාන වලින් ඉවත් වීම සිදු කරන්න. ගොබ්බ ⁣ඡ්‍යෝතිශ්කරුවෙකුට හෝ ගොසිප් මාධ්‍යකරුවෙකු⁣ට සුනාමී ඇතිවීමක් ගැන අනාවැකි කීමට දැනුමක් නොමැති බව මතක තබා ගන්න.මුහුදු සර්පයෝ මුහුදෙන් මතුවන වි⁣ට සුනාමි පැමිණේ නම් සුනාමි අනතුරු දැනගැනීම සඳහා දියුණු රටවල් ඩොලර් මිලියන ගණන් වියදම් නොකර මුහුදු සර්ප වගාවක් කරනවා නොවෙද යන්න ටොක්කක් ඇන සිහියට ගන්න.මුහුදු සර්පයෝ මුහුදෙන් මිස අල්ලපු ගෙදර ඇන්ටිගේ ළිඳෙන් මතුවිය නොහැකි බව මතක තබා ගන්න.

ජීවිතය දුකක් අයිසේ

ඉපදෙනවා කියන්නේ දුකක් බං.

ඉතින් එහෙනම් තෝ මැරියන්කො බං

මැරුනම ආයේ ඉපදෙනවනේ බං

ඉතින් ආයෙත් මැරියං

උඹලට ඕවා කිව්වට තේරෙන් නෑ බං. තොපිට ඉතින් ආගමක් කියල දෙයක් තියෙනවා යැ.

ඒ කියන්නෙ බං දුක තේරෙන්න ආගමකට සෙට් වෙන්න ඕනෙද

එහෙම නෙමේ බලපං ජීවිතය කියන්නෙ දුකක්නෙ බං.ඉපදෙනවා ජීවත් වෙනවා මැරෙනවා. ආයෙත් ඒකම.

යකෝ ඒකට කියන්නේ දුක නෙවෙයි බං. ඒ තමයි බං ජීවිතේ.ජීවිතේ කියන්නෙ සැපේ දුකේ එකතුවක්. ජීවිතේ දුකක් කියන්නෙ එක අන්තයක් නෙ බං.
දැන් කියපං උඹට ජීවිතේ දුකක්ද.

නෑ එහෙම නෑ බං. ලෙඩක් දුකක් හැදුනම එහෙම බලපන්කො

තොට හැම වෙලේම ලෙඩෙන්ද ඉන්නෙ. නෑනේ. උඹටත් දුක මතක් වෙන්ඩ ලෙඩක් හැදෙන්න ඕනෙ නම්, ඒ කියන්නෙ උඹ අනික් වෙලාවට ආතල් එකේ ඉන්නවනේ. හරි කියපන් බලන්ඩ උඹට ජීවිතේ සතුටක් දැනෙන්නෙ මොන වෙලාවටද?

හොඳට නිදාගන්ඩ තියෙනවනම් මචං

ඉතින් බං එහෙනම් දවසක් නිවාඩු දාලා කණ පැලෙන්න නිදාගෙන් ඒ ආතල් එක ගනින්. තව මොනවද ආස?

ගෑණියෙක් එක්ක sex කරන්ඩ ආසයි බං.

ඉතින් බං එහෙනම් කෙල්ලෙක් හොයාගෙන බැඳපන්. නැත්නම් ගොන් පොට් එකකට පලයං

කෙල්ලෙක් සෙට් වෙන්නේ නෑනේ බං. අපෝ එහෙම තැනකට යන්න බෑ බං. ඒක කාමය වරදවා හැසිරීමක්.

ඉතින් බං තෝ ජීවිතේ දුකයි කිය කිය විලාපදෙද්දි කෙල්ලෙක් කියා මැරුන ගෑණියක් වත් සෙට් වෙයිද බං.
උඹ බොනවද

නෑ මචං මම ඒවට නෑ.

උඹ ක්‍රිකට් මැචස් බලනවද බං

නෑ බං. මැචස්, සිංදු, ෆීල්ම්ස් බලන් නෑ බං ඒවාගෙන් අකුසල් මූල වැඩෙනවා. ඒව බලන වෙලාවක මැරුනොත් කෙළින්ම දුගතියේ බං.

ඉතින් යකෝ තෝ ක්‍රිකට් මැච් එකක් බලන්නෙත් නැත්නම් , කෙල්ලෙක් සෙට් වෙන්නෙත් නැත්නම් , ෆීල්ම් එකක්  tv series එකක් බලන්නෙ නැත්නම්  තෝ අමුතුවෙන්  දුගතියක යන්ඩ ඕනේ නෑ බං. උඹ දැන් ඉන්නෙත් අමු අපායක

අපේ ගෝඨා

රතුපස්වල වෙඩි තිබ්බෙ
අපේ ගෝඨා 
වැලිකඩ හිරකරුවො මැරුවේ
අපේ ගෝඨා
අම්මගේ අප්පගේ පිළිම ලෝබ නැතිව හැදුවෙ
අපේ ගෝඨා
Who is Lasantha කිව්වේ
අපේ ගෝඨා
මේ ලිස්ට් එක තව දිග වෙන්න හේතුව
......
......
......
අපේ ගෝඨා

නූතන මහින්දාගමනය

එව බලව
මහින්ද බණ දේශනා කරනා අපූරුව
පසෙකින් අගසව් ලොකුගේ මැතිඳුන්
එව බලව
සිව්වනක් පිරිස දැහැන්ගත වූ අපූරුව
එව බලව
පාණාතිපාතාවට
අරුත් දෙන අපූරුව
එව බලව
අදින්නාදානයට
අරුත් දෙන අපූරුව
එව බලව
මුසාවාදයට
අරුත් දෙන අපූරුව
එව බලව
සුරාවෙන් වැළකීමට අරුත් දෙන අපූරුව

(මෙහි පැවිද්දන් එලෙසම හැර මහින්ද හෝ ලොකුගේ සිටිනා තැනට රනිල්, මෛත්රී , අනුර, හකීම් , සම්බන්දන් ආදේශ කර  බයියන් කුලප්පු කළ හැක.)
*කොන්දේසි විරහිතයි

වරෙන් ගනින් පලයන්

මහතුනි එන්න
විශ්වාසය, කැමැත්ත හා එකඟතාවය මත
වැඩි මුදලට ගන්න
මාරු කිරීම්, මුදල් ආපසු නොඉල්ලන්න
අතේ සල්ලි දී
_කේ ටින්කිරි ගා ගන්න

ශ්‍රී පාද කුණු - යෝජනාවක්

  මෙය ලියන මම වරක් ශ්‍රී පාද කන්ද තරණය කළෙමි. ඒ මීට වසර නවයකට පෙරය. පුද්ගලිකව මා හට එය නීරස අත්දැකීමක් බැවින් නැවත එහි යෑමට කිසිදු අදහසක් නැත.එහි ආගමික අංශයෙන් කිසිදු වටිනාකමක් මා හට නැති අතර පාරිසරික වටිනාකම ඉහළින්ම අගයමි. කිසියම් හෝ ආගමික ශාස්තෘන් කෙනෙකුන් ,ආදම් කෙනෙක් හෝ අල්ලා කෙනෙකු එහි පාද සළකුණක් තබා ඒමට තරම් පිස්සුවක් ඇතැයි මම නොසිතම්. (රෑප වල හැටියට නම් පාදය තියල තියෙන්නේ enlarge කරලා 😂😂😂😂).

මේ සටහන ආරම්භ කිරීමට හේතුව ශ්‍රී පාද කන්දෙ කොටසක ඇතිවූ කුණු කන්ද නාය යැමයි.දැන් කුණු කන්දක් නාය ගොස් ඇත. ආගමික වටිනාකමක් මත හෝ පාරිසරික වටිනාකමක් මත හෝ විනෝදය සඳහා හෝ කුමන ආකාරයකට වුව කන්ද නැඟි මිනිසුන් මේ සඳහා වගකිය යුතුය.අඩුම පැය 6-7ක් වැයවන මෙම කඳු තරණය කිරීමේදි කෑම බීම බෙහෙත් වර්ග snack වර්ග ආදිය අනිවාර්යයෙන් ගෙනගිය යුතු බැවින් කසල එකතු වීම අනිවාර්ය ප්‍රතිඵලයකි.සම්පූර්ණ සංචාරයේදි එක පුද්ගලයකු 200g ප්‍රමාණයකට කසල ඉවත් කරනවා යැයි සිතුවහොත් වසරකට සංචාරකයින් ලක්ෂ 3ක් පමණ පැමිණියහොත් වසරකට ටොන් 60ක පමණ කසල ප්‍රමාණයක් එකතු වේ.  තද නීතී දැමීමෙන් කසල දැමීම අඩු කරත් ටොන් 30-40කට එහා අඩු කර ගත හැකියයි මට සිතෙන්නේ නැත.(වාර්ෂික සංචාරකයින් ලක්ෂ 3ක් යැයි සළකා)

   මට හැඟෙන පරිදි මෙහි කසල දැමීම වැඩිවීමට හේතුව නම් ආගමික වන්දනා අර්ථයෙන් එන වන්දනාකරුවන් වැඩිවීමත්.,පරිසරය රස විඳිමට කඳු නැඟීමේ අර්ථයෙන් එන පිරිස අඩු වීමත්ය. වන්දනා මාදිලියේ සංචාරකයින්ගේ කසල ප්‍රමාණය අඩු කිරීම ඉතාම අසීරු කාර්යයකි. ආගමික ඇල්මක් හැරෙන්න මෙහි සංවේදි පරිසර තත්ත්වයන් පිළිබඳ තැකීමක් ඔවුන්ට නැත. ඇත්තේ එහි සිටිනවා යැයි ඔවුන් අදහන දෙයියාට ඇති බිය පමණෙකි.  ඔවුන් මෙහි රැඳි සිටින කාලය අධික නිසාවෙන් බැහැර වෙන කසල ප්‍රමාණය අනිවාර්යෙන්ම ඉහළ යති.ඉවත ලන බිස්කට් පැකට්, ලන්ච් සීට්, ප්ලාස්ටික් බීම බෝතල් අදිය මෙවැනි ගමනක ( ආගමික වන්දනා ස්වරූපය) අනිවාර්ය අංග වේ. එක්කො ඔවුනට ශ්‍රී පාද අඩවියෙහි පාරිසරික වටිනාකම පිළිබඳ දැනුවත් කළ යුතුයි, නැත්නම් ඔවුන් මෙහි රැඳි සිටින කාලය අවම කිරීමට උපක්‍රම යෙදිය යුතුය .
    මාගේ පුද්ගලික යෝජනාව නම් ශ්‍රී පාද කන්ද සඳහා cable car system එකක් හඳුන්වා දීම බවයි.මෙවැනි යෝජනාවකට මල් කෙසේ වෙතත් ගල් එල්ල වීම අනිවාරය වුවත් මිනිසුන් පාද යාත්‍රාවේ දවසක් ගත කරන ගමනකදී පරිසරයට මුදා හරින අපද්‍රව්‍ය වලින් 80% ,කටත් එහා පැය දෙක තුනක සංචාරයකදී අඩු කර ගත හැක. ඔවු මෙවැනි ඉදි කිරීමකදි යම් පරිසර හානියක් සිදුවන බව සත්‍යයකි. එනමුත් මොහොතකට සිතා බැලුවොත් අද දවසේ ශ්‍රී පාදයේ එකතු වන කුණු ප්‍රමාණය මත තව වසර විස්සක පමණ ගත වන විට කුමන තරමේ කුණු ප්‍රමාණයක් , පරිසර හානියක් සිදුවේදැයි කියා cable car system එකකින් සිදුවිය හැකි පාරිසරික හානිය ඊට වඩා කුඩා ප්‍රමාණයකින් බව මගේ හැඟීමයි.

(Cable car යෝජනවක් මීට පෙර ඇතිවී තිබුණවග පසුව දැන ගතිමි)

හැඳුනුම්පත් mix

දොන්ත බබක්කට
දෙන්න දෙයක් නැත
පෙට්ටගමක් උඩ
හැඳුනුම්පත් දෙකක් ඇත
එකක් civil පිට
එකක් uniform පිට
ඇයි අවුල්ද?
Oh yeah.....

(පසුගියදා මියන්මාර සරණාගතයන් හමුවේ පැවති කාලීන ධර්ම දේශනයෙදී ගිනිතියනවා වැනි ධාර්මික වචන දෙසූ අරඹේපොල රතනසාර හිමි අත්අඩංගුවට පත්වනවිට ඔහු සතුව ජාතික හැඳුනුම්පත් දෙකක් විය)

Coffee with ගංඟා මෑණියෝ

  හැම සතියකම වගේ මේ සතියෙත් අපේ කතා බහට රටේ නම ගිය චරිතයක් එකතු වෙනවා. මේපාර එකතු වෙන්නෙ වෙන කවුරුත් නෙවෙයි රටේ ජයග්‍රහණයන් කීපයක් පිටුපස සිටි ඒ විශ්මිත චරිතය ගංඟා මෑණියන් .ඔවු අපි අපේ කතාබහ මේ විදියට ආරම්භ කරා.

හායි ගංඟා මෑණියෝ
හායි හූයි කියන්ඩ එපා පුතේ හෙළ ක්‍රමයට ආයුබෝවන් කියමු අපි.

ආයුබෝවන් මෑණියනේ ඉතින් කොහෙමද සැප සනීප ?
සැපේ නම් වරදක් නෑ කොල්ලො, ඔය ඉතින් වශීයක් දෙකක් නූලක් දෙකක් පන්නගෙන හූනියමක් කරගෙන දෙයියනේ කියල ඉන්නවා.

මොකද්ද මෑණියෝ ඔබතුමියගේ රහස?
හෑ පුතේ උඹලා ගමට ආපු විනාඩි පහට ඕකුන් ඔය ටිකත් කනේ තිබ්බද. නොදකින් මේ ගම්වල උන් .

නෑ නෑ මෑණියනේ ඒ රහස් නෙවෙයි මම ඇහුවේ ඔබතුමියගේ සාර්ථකත්වයේ රහස?
ආ ඒක මිසක්. මේකනේ පුතේ මම කාලයන් මනාලියන් ඇන්ඳුවා . මනාලියන් විතරක් නෙවෙයි ඕනෙනම් මනාලයෝ වුනත් අන්ඳනවා. ඉස්කෝලේ  යන කාලෙත් මං එහෙම දෙතුන් දෙනෙක් ඇන්ඳුවා. අම්මපා.ඉතින් පුතේ ඒක හරි අමාරු ජොබ් එකක්. Measurements ගන්න ඕනෙ , ඇඳුම හදන්න ඕනේ .උදේ පාන්දරම යන්ඩ ඕනෙ.

නෑ නෑ මෑණියෝ මම ඇහුවේ ඔබතුමියගේ ගුරුකම් වල සාර්ථකත්වයේ පළමු පියවර මොකක්ද කියලා
ඒ ප්‍රශ්නේ වැරදි පුතේ . උදේ නැඟිටිලා මම කරන්නේ පියවර පහක් තියෙල දෙවාලෙට යන එක. එක පියවරක් තිබ්බොත් නානකාමරේ පුතේ.

හරි හරි මනාලයන් ඇන්ඳුවා ඊටපස්සේ?
ඔව්. මම කිව්වනේ පුතේ ඒක හරි අමාරුයි කියලා. අපිම measurements අරගෙන රෙදි හොයල අන්ඳනවට වඩා මේක ලේසියි. එන උන් මහගෙන ඇඳගෙනමයි එන්නෙ.මට අන්ඳනවා කියල ඒ හැටි දෙයක් ඉතිරිවෙලා නෑ.

එතකොට කොහොමද ඒ එන අයව අන්ඳන්න පටන් ගන්නෙ ඔබතුමී?
අයියෝ හරි ලේසිනේ පුතේ ඔය අවුරුදු 25වගේ කොල්ලෙක් අවොත් එක්කෝ ලව් කේස් එකක් එක්කෝ ජොබ් කේස් එකක්. ඌ හොඳට ඇඳල කාරිය නැත්නම් අනිවා ජොබක් නෑ. මං ඉතින් ඌට රට රස්සාවක් වගේ අදහසක් දාලා පොඩි යන්තරයක් හෙම දාලා ඔය 5000ක් වගේ පොඩි ගානක් ගන්නවා.දෙය්යන්ගෙ charges හරි ඉහළයි පුතේ dollar එක නඟිද්දි සට සට ගාලා දෙයියන්ටත් නඟිනවා. එතකොට ඔය තරුණ කපල් එකක් ආවොත් කිරිගහට මෝල් ගහෙන් ගැහුවා වගේ කියන්නම් එක්කො කසාදෙට ගෙදරින් කචල්. නැත්නම් ළමයි නෑ. ෂේප් එකේ බැලුවම මුදු දාලා නම් ළමයි නැති කේස් එකක්.

එතකොට ඔබතුමි ළමයි හදල දෙනවද?
පිස්සුද ළමයෝ.මගේ මිනිහනම් හදල දෙයි. හා හා කට කට මේවා දෙයියන්ගේ කාරණා.
ඔය එන කපල් එකට තැඹිලි ගෙඩියකට කුටු කුටු ගාලා රැපියල් 20000ක් වගේ ගන්නවා. තැඹිලි හරි මිලයිනේ පුතේ.

එතකොට ළමයා හම්බෙනවද?
ඒකනම් දන්නෑ පුතේ මට ගාන නම් හම්බෙනවා.

එතකොට මෑණියෝ අර චන්දිමාල් එහෙමත් අාවද?
නැතිව . හරි සීදේවි කොලු පැටියා. ඇවිල්ලා වැලහින්නක් වගේ ඇඬුවා හැමදාම ඉක්මනින් අවුට් වෙනවය. එයාට වැඩිය වෙලාවක් pitch report දෙන commentators ලා ground එකේ ඉන්නවය කියලා. ඉතින් මම පොඩි ගුරුකමක් කරල දුන්නා.ඒක ඉතින් හරි ගියා.

ඒ වුනාට මෑණියෝ test match ගොඩගියාට මිනිහා oneday matches හාලා දානවනේ. බොල් ටික කාලා දානවනේ. ගුරුකමේ රැස් බැහැලද?
  නෑ නෑ මගේ වැඩේ මං කරා. ඒ ළමයාගේ වැඩේ කරේ නෑ  ඒකනේ.

ඒ කියන්නේ practice යන වැඩේද?
පිස්සුද ළමයෝ . මම කිව්වා හරක් මස් කන්න එපාය කියල. ඉතින් චන්දිමාල් ළමයා කිව්වා හරක් මස් කියා හරකෙක් ළඟින්වත් යන්නෑ කියල. ඊට පස්සෙ මං කිව්වා බල බිඳෙන වැඩ ඒ කියන්ටන කිලි අහුවෙන දේ කරන්ඩ එපාය කියල.ඒ ළමයත් හා කිව්වා. හා කිව්වට ඉතින් test match ඉවරවෙලා oneday පටන් ගන්න දවස් තුනට ෂුවර් එකට අර ගෑණු දැරිවි ඒ පැත්තෙ ගිහින් තියෙනවා. ඒකට මම මොනා කරන්නද පුතේ. මුන්ට සතියක් ඉවසන්න බැරිවට.

නඩුකාර හාමුදුරුවෝ

  යකෝ ව්‍යවස්ථා විශාරදලා ඉඳල තියෙන්නෙ පන්සල්වලනේ මෙච්චරකල්. නරකද ගම්වල ඉඩකඩම් ප්‍රශ්න, කොටු පැනීමේ ගැටලු , ඩිවෝස් කේස් ,අතවර අපචාර දූෂණ කේස් වගේ ඒවා විසඳන්නත් පන්සලේ හාමුදුරුවන්ටම බාර දුන්නනම්. එතකොට උදේට පන්සිල් එහෙම සමාදන් වෙලා උසාවියේ වැඩ පටන් අරගෙන අපෙ හාමුදුරුවනේ වෙනුවට නඩුකාර හාමුදුරුවනේ කියල කට ඇරලම කියන්ඩ පුලුවන්.

රට යන කැත

නිවැරැදි පිලිතුර නම් කර SAITM ශිෂ්‍යත්වයක් ලබා ගන්න.

ප්‍රශ්නය: පහත පින්තූරයෙන් දිස්වන්නේ  කුමක්ද?

01."හොරු අල්ලන මඟ" විද්වත් සංවාදයේ සංවේදි අවස්ථාවක්.

02. "රට යන අත" පිළිබඳ  ආර්ථික විග්‍රහයක අවස්ථාවක්

03."බැංකුකරැවකු වන මඟ" දේශනයේ උච්චතම අවස්ථාවක්

04."ගූගල් බැලුමෙන් මහ පොළවට" විද්‍යා ප්‍රදර්ශනයේ කුටියක්.

05."කාන්තා විමුක්තිය අද ⁣නොවේ හෙට" ස්ත්‍රීවාදී කතිකවේ සමාජික එකමුතුවක්.

වඳ බෙහෙත්

මොනවද මේ වඳ බෙහෙත්?
  වචන⁣යේ අර්ථයෙන් ගත්තොත් කෙටියෙන්ම වඳ බෙහෙතක් කියන්නේ යම් ගැහැනියට හෝ පිරිමියෙකුට දරුවකු බිහි වීමේ හැකියාව නැති කරන යමක් වෙන්ඩ එපැයි. එතකොට උපත්පාලනයට අයිති වන මිතුරි පෙති, කොන්ඩම්, ලූප ආදිය මේකට අයිති වෙන්ඩ බෑ . මොකද වඳ කිරිමයි උපත් පාලනයයි කියන්නෙ දෙකක්. ඔය කියන ආකාරයට එකකදි සම්පූර්ණයෙන්ම සරැ බව නැති වෙනවා.
 
   මේ වඳ බෙහෙත් සම්බන්ධයෙන් වැදගත් පැහැදිලි කිරීමක් පහු ගිය රාවය පුවත්පතේ වෛද්‍යවරයෙක් විසින් කරල තිබුණා. එහි ජායාරූපයක් පහතින් ඇත.
උපුටා ගනිමි.

"කෙනෙක්ව වඳ කරන්න නම් ක්‍රම කිහිපයයි තියෙන්නේ. ලූප් එකක් දානවා කියන්නෙ එක ක්‍රමයක්. ඒකෙන් තාවකාලිකව වඳ කරනවා.එහෙම නැත්නම් සංසර්ගයේදි උපත් පාලන කොපුවක් පාවිච්චි කරන්න ඕනෑ. නැත්නම් උපත් පාලන පෙති බොන්න ඕනෑ. හැබැයි උපත් පාලන පෙත්තකින් තාවකාලිකව වඳ කරන්න විතරයි පුලුවන්. ඒවා ආහාර එක්ක මුසු කරන්න බෑ. දීර්ඝකාලීනව වඳ කරනවා නම් ගෑණු කෙනෙකුගේ ගර්භාෂය ඉවත් කරන්න ඕනෙ. ඒක එල්ආර්ටී කියලයි හඳුන්වන්නේ. ඒ හැරෙන්න බෙහෙත් ඇඟේ තවරලා, තවලා, කෑමවල මිශ්‍ර කරල , ඇඳුම්වල හෝ කොට්ටයට මොනවහරි තියලා කිසිකෙනෙක්ව වඳ කරන්න බෑ. එහෙම බෙහෙතක් එදිනෙදා පාවිච්චි කරන්න තබා ලෝකෙ කිසිම රටක විද්‍යාත්මකව හොයාගෙනවත් නෑ. කලින් භීතිකාවක් තිබුණ එච්අයිවී රෝගියෙක් අඹ කපද්දි අත කැපිල අඹ ගෙඩියට ලේ මිශ්‍ර වුනොත් අඹ කන කෙනාට එච්අයිවී බෝවෙයි කියලා. ඒ වගේම භීතිකාවක් තමයි මේක. මේක බොරු මිත්‍යා මතයක්."
- වෛද්‍ය දයානාත් රණතුංග -

  වෛද්‍යවරුන් මෙහෙම පැවසුවත් සමාජයේ නම් තියෙන්නේ මීට සම්පූර්ණයෙන්ම වෙනස් අදහසක්. වි⁣ශේෂයන්ම සමාජ මාධ්‍ය හරහා වඳ පෙති දැමූ ආහාර, ආපනශාලා පිළිබඳව මූලාශ්‍ර රහිත පුවත් විශාල වශයෙන් සැරිසරනය වෙනවා.මෙම මූලාශ්‍ර රහිත තොරතුරු බොහෝමයක් යම් ආගමික කොට්ඨාසයක් ඉලක්ක කරගෙන වෛරී සහගතව පැතිරවීම එකතරා ආකාරයට සමාජයට විශාල තර්ජනයක්. අප වැනි රටක සමාජ ජාල පරිහරණය කරන්නන් බොහොමයක් දෙනා කිසිදු වග විභාගයකින් තොරව දකින සියලුම දෑ විශ්වාස කිරීමත්  එවැනි පිරිස් යම් යම් කඩාකප්පල් කාරී ක්‍රියාවන් සඳහා ලෙහෙසියෙන්ම පෙළඹවීමට හැකිවීමත් මෙහි ඇති විශාලම තර්ජනයයි. අතීතයේ යුද්ධය පැවැති වකවානුවේදීද මෙවැනිම දූෂ්‍යමාන තොරතුරු දමිළ වෛද්‍යවරුන් සම්බන්ධයෙන්ද පැතිරුණා. ඒ සිංහල මව්වරුන් දරු ප්‍රසූතිය සඳහා දමිළ වෛද්‍යවරුන් වෙත ගියවිට ඔවුන්ට නැවත දරුඵල අහිමිවන පරිදි දමිළ වෛද්‍යවරුන් යම් යම් ක්‍රියා සිදු කරන බවයි. එවැනි පුවත්වලට එකල පියාපත් ලැබී තිබුණ අතර සමහර පුද්ගලයින් කිසිදු සෙවිල්ලක් බැලිල්ලකින් තොරවම එවන් පුවත් සත්‍ය බවට විශ්වාස කළ බවත් නොරහසක්.

මේ දිවයි⁣නේ ප්‍රසිද්ධ වෛද්‍යවරයෙක් වඳ බොහෙත් පිළිබඳව පහුගිය පුවත්පතකට දැක්වූ අදහසක්. උපුටම්
"කෙනෙකු වඳභාවයට පත්කළ හැකි කිසිම රසායනිකයක් ලෝකයේ කිසිදු කෙනෙක් මෙ⁣තෙක් සොයාගෙන නෑ. ආහාරවලට දමා හෝ ඇඳුම්වල තවරා හෝ වඳභාවය ඇති කරන බව ප්‍රචාරය ගෙන යන්නේ ජාතිවාදි පදනමෙන්. එවැනි වඳභාවයන් පිළිබඳව වෛද්‍ය විද්‍යාත්මකව සනාථ කළ අවස්ථා අැත්තේ නෑ. ජනතාව මෙවැනි බොරු ප්‍රචාර වලට රැවටීමෙන් වැළකිය යුතුයි.
    ආහාරයට විවධදේ දැමීමෙන්, කිරි වර්ග පානයෙන් ජෙලි වර්ග භාවිතයෙන් හෝ රසායනික ද්‍රව්‍ය හරහා වඳභාවය ඇතිකළ නොහැකිය. වඳභාවයට හේතුව ජානමය තත්ත්වයකි. පිටතින් ශරීරයට ලබාදෙන ද්‍රව්‍යයන්ගෙන් වඳභාවය ඇතිවන්නේ නැහැ.

  උපත්පාලනය හා පවුල් සැලසුමත් වඳභාවයට හේතුවන කාරණා නොවෙයි.
   අද පවුල් සැලසුම් ක්‍රම බහුලව භාවිතා වෙනවා.තමන්ට කැමති ආකාරයට දරුවන් ලබා ගැනීමට මේ සැලසුම් ක්‍රම අවශ්‍යයි.ඊට රජයේ අනුමැතියද තියෙනවා. ලෝකයේ වසර 100ක පමණ සිට පවුල් සැලසුම් ක්‍රම භාවිතා කරනවා.
එක්සත් ජාතින්ගේ සංවිධානයට අයත් ලෝක සෞඛ්‍ය සංවිධානයත්,යුනිසෙෆ් සංවිධානයත් ⁣මෙම සැලසුම් ක්‍රම ලෝකයට හඳුන්වා දී තිබෙනවා. ලොව සෑම රාජ්‍යක්ම ඒවා පිළිගෙන තියෙනවා.ස්ථීර හා තාවකාලික ලෙස පවුල් සැලසුම් ක්‍රම දෙකක් තිබෙනවා.
  පවුල් සැලසුමකට යන්නෙ අවශ්‍ය අයගේ අවශ්‍යතාවය මත පමණයි. වඳභාවය මා පවුල් සැලසුම් ක්‍රම අතර සබඳතාවයක් නැහැ. ජනගහන වර්ධනය පිළිබඳව ජාතිවාදි පදනමෙන් බලන සමහර පිරිස් වැරදිමත සමාජගත කරනවා. වඳභාවය හා ආහාර අතර හෝ ඇඳුම් පැළඳුම් අතර සබඳතාවයක් නැහැ.
ඒ වගේම වඳභාවය අැතිකරන්න පුලුවන් කිසිම බෙහෙතක් මෙතෙක් සොයාගෙන නැහැ."
  - වෛද්‍ය ආරියසේන යූ ගමගේ-

  උපුටනය අවසන්. වෛද්‍යවරුන් කෙසේ කීවද ජාතිවාදි පිටු අටවන් සිටිනා මිනිසුන් කිහිපදෙනෙකු උග්‍ර ජාතිවාදි අදහස් වපුරති.ඔවුන් කියනා සියල්ල පිලිගන්නා අනුගාමිකයන් පිරිසක්ද බිහිවී ඇත. ඔවුන් ඒවා  ප්‍රශ්න කරන්නේ නැත. ගිරවුන් මෙන් ඇසෙන දේ  පවසති. සමහරවිට එවැනි මිනිසුන්ට යම් අනාගත අභිලාෂ ඇතිවා වන්නට පුලුවන.සමහරුන්ගේ වෘත්තිය ගමින් ගමට ගොස් වෛරී අදහස් වැපරීමයි. ඔවුන් සමාජය හරහා මිත්‍යාව වපුරවති. මිත්‍යාවෙන් භීතිකාවන් වපුරති. ජාතින් අතර සැකය ඇති කරති. මිනිසුන්  කොටවති. උෟරන් කැකුණ තලන විට හබන් කුකුළන් මඟුල් සමරති.

සිරසයි පාර කියන්නේ

ජවිපෙ කලක් සිරසට ප්‍රහාර එල්ල කළේය.
සිරස ජවිපෙට ඊටත් වඩා ප්‍රහාර එල්ල ක⁣ළේය.
දැන් සිරස සහ ජවිපෙ යාලුවො වෙති.
මර්වින් සිල්වද සිරස සමඟ ගැටුණි.
සිරස මර්වින් සිල්වට එලව එලවා පහර දුනි.
දැන් මර්වින් සහ සිරස අමනාපයක් නැත.
රනිල් සහ සිරස අතීතයේ මිතුරන් වූහ.
දැන් රනිල් සහ සිරස පසමිතුරන් වෙති.
සිරස සහ බැසිල් කෙස්වලු පටලවගනිමින් සිටිති.
ඔවුන් හෙට මිතුරන් වනු ඇත.
අප හෙටත් tv තිර දිහා බලන් සිටුනු ඇත.
සිරස පාර කියනු ඇත.

දළ රළ පෙළ ඉදිරියෙන්

කතාව 01

ඉදිකිරීම් බිමේදි හමුවු හීන්දැරි කුඩා මුස්ලිම්  තරුණයෙකි. සති ගණනකට පසු දුටු හෙයින්
"කොහෙද ගිහින් හිටියේ"
යැයි මම විමසුවෙමි.
"ඉස්කෝලේ ගියා මහත්තයා "
කුඩා මිනිසාගේ පිලිතුර විය.
"එතකොට අද ආවේ" මම විමසුවෙමි.
"ඉස්කෝලේ යන එක නතර කරා මහත්තයා"
ශරීර ප්‍රමාණය මත ඔහු 10-11වසරවල ඇතැයි මම සැක කළෙමි.
"කීය වසරෙද මල්ලි" සැකය තහවරු කරනු පිණිස ඇසුවෙමි.
"A/L මහත්තයා"
"ඉතින් අපරාදෙනේ. මොනවද O/L රිසාල්ට් ?"
"A3 යි C3යි"
"Maths වලට?"
"C මහත්තයා"
"අපරාදෙනේ දිගටම ඉස්කෝලේ යන්ඩ"

මම පැවසුවෙමි. කර්කශ පරිසරයක ජීවත්වන කුඩා මිනිසා එයට මුහුණ දීමට හිතා ගෙන තිබෙන හැටියකි.ඉදිකිරීම් වැඩබිම සැමදා පවතින්නේ නැත.මුහුදු යෑම හෝ හේනක් කිරීම අනාගතයේ ඔහුට උරුම වන සෙයකි.ඔහු දැනටමත් ලබා ඇති o/l  ප්‍රතිඵලය මත තාක්ෂණ විද්‍යාලයකට ඇතුලත් වී මෙවැනිම ඉදිකිරීම් වැඩබිමක supervisor කෙනෙක් වීමට ඔහුට අවකාශ ඇතත් අයහපත් ආර්ථිකය, නොදැනුවත්කම ඔහුව නොහැකි මිනිසෙක් කරනු ඇත.ඉදිරියටත් ඔහුව පාසල් යෑමට පෙළඹවීමට සිතා ගත්තෙමි.

"මචං මම එහෙම මේ පැතතෙ ජීවත් වෙලා ඉගෙන ගන්ඩත් බැරිවුණා නම් අම්මපා මේ අව්වේ කට්ට කනවට වඩා මහණ වෙනවා බං"
ළඟකදි මම මිතුරෙකුට පැවසුවෙමි.එය එතරම් කටුක පරිසරයකි. අනාගත රළු ජීවිතය පිළිබඳ  ඉහත කුඩා මිනිසාට තවමත් තේරැම් ගැනීමට තරම් අත්දැකීම් නැති බවකි.

කතාව 02

මම මීට පෙර වැඩකළ වැඩබිමකදි මා යටතේ සේවය කල කම්කරුවෙක් දිනක් මා හට අත්අකුරින් ලියූ සටහනක් ලබාදුණි.
" සර් මට bio data එකක් හදල දෙනවද"
Cv, resume පවතින යුගයක තවමත් ඔහු ඉල්ලන්නේ biodata එකකි. Type කීරීමට ඇති කම්මැලිකමත් සමඟ ඇති නොරිස්සීමත් සමඟින් "මොකටද biodata එකක් "
මම විමසුවෙමි.
"රට යන්න සර්"
"හා තියල යන්ඩකෝ වෙලාවක් තිබුණොත් type කරල දෙන්නම්"
ඔහු ගිය පසු මම එම කඩදාසිය  දිග හැර බැලුවෙමි. පැරණි විෂය නිර්දේශයට අනුව එහි D සහ C පෝලිමක් විය. A/L ප්‍රතිඵලයක් නැත.නැවත ඔහු හමුවන විටෙක මම ඔහුගෙන් ඒ ගැන විමසුවෙමි.
"A/L කරේ නැද්ද අපරාදෙනේ"
"නෑ සර්, ආර්ථික ප්‍රශ්නනේ"

ඉතාම පහසුවෙන් ජීව විද්‍යා හෝ භෞතික විද්‍යා අංශයෙන් උසස් පෙළ කළ හැකිව තිබූ ඔහු අද කම්කරු රැකියාවක් කරයි.ඔහුට cv එක හදාදීමට මට අතපසු විය. දිනක් ඔහු ප්‍රමාද වී වැඩට පැමිණියේය.
"මොකෝ පරක්කු ?" මම ඇසුවෙමි
"රට යන්ඩ interview ගියා සර්"
  දැන් ඔහු කොහේදැයි මම නොදනිමි. හිත හොඳ  මිනිසෙකු වූ බොහෝවිට ඔහු රට යන්නට ඇත.

කතාව 03

මම කලකට ඉහත වැඩ කළ ඉදිකිරීම් බිමකදි හදිසියේම මා හට අප ආයතනයේ stores  එක වෙන තැනකට මාරු කිරීමට සිදුවිය. වැඩ අධික බැවින් ඒ සඳහා කම්කරුවෙකු පිටතින් ගැනීමට මම මිතුරු ඉංජිනේරුවකුගේ සහය පැතුවෙමි.
"මචං කොල්ලෙක් ඉන්නවා දවසකට 1000ක් දීපන්. "

මම එකඟ වුනෙමි.

"මචං වැඩට එන කොල්ලගෙන් අහන්ඩ එපා. ඌ කැම්පස් එකෙක්. දැන් කැම්පස් යන්නෙ නෑ කුලී වැඩ කරනවා බං.ඌ රැග් එකත් ඉවර වෙනකල් ඉඳල. ඊ්ට පස්සෙ අයින් වෙලා. උගෙ තාත්තා නැතිවෙලා බං පොරතමයි නංගිලාව ඉස්කෝලේ යවන්නෙ"

ඊළඟ දිනයේ ඔහු වැඩට පැමිණියේය. ජංගම දුරකතනයේ handfree එක කනේ ගසා ගත් ඔහු යන්ත්‍රයක් සේ වැඩ කරන්නට විය.ඉඩක් ලැබූ වෙලවක ඔහු මා හා දොඩමළු විය.

"මහත්තයා ගෙවල් කොහෙද?"
"මම පේරාදෙණියෙනේ" මම පැවසුවෙමි
"මාත් වෙලාවකට පේරාදෙණියේ යනවා"
"ඒ මොකෝ ගොඩක් දුරයිනේ" මම පැවසුවෙමි
" GF පේරාදෙණිය කැම්පස් එකේ සර්"

ඔහු ඉහළ rank එකක් සමඟ කැම්පස් ගිය බවක් මා හට   පැවසූවේ නැත.  මා දන්නා බවක්ද නොහැඟුවෙමි.තනිකඩ තරුණයෙක වූ ඔහු දැනටමත් පවුල් බර කරට ගෙන ඇත.

මේ මට හමුවු මිනිසුන් කිහිපදෙනෙකි. අනාගත රළු ජීවිතය පිළිබඳ දැන හෝ නොදැන ඔවන් රළු තීරණ ගෙන ඇත. එම තීරණ හරිද වැරදිද යයි විනිශ්චය දීමට අප දෙවියන් වහන්සේ නොවෙමු .

කණේ පහරක සුවය හයේ පාරක නෑ

   ඒ 1997 වසර . එවකට මම හතර වසරෙ සිසුවෙක්. ඉස්කෝලේ ඇරුනම බස් එක එනකල් ඉන්න බස් ⁣හෝල්ට් එක ළඟ පොලිස් මුරපොළක් තිබුණා. දවසක් නුවර ඉඳන් එන බස් එකක් එතන නතර කරල බස් එකේ හිටපු මිනිහෙක්ව බාර දුන්න පොලිසියට. බීල හිටපු මනුස්සයෙක්. පොලිස් මහත්තයා දුන්නා කණේ පාරක්. අර මනුස්සයා බිම වාඩි වුනා. තුවක්කුවක් අල්ලන් ඉන්න අතකින් වැදුණු දරුණු ප්‍රහාරයක්. මට ඒ මනුස්සයා ගැන දුකක් හිතුනා.අවුරුදු 45 ක පමණ මනුස්සයෙක්. සුදු සරමකින් සැරසුනු අසරණයෙක්.පාසල නිමවූ ගුරුවරියන්, පාසල් ළමුන් ඉස්සරහ නිල ඇඳුමෙ බලය පෙන්නුවා හැරෙන්න වෙනයමක් එම නිලධාරීයගේ තිබුණේ නෑ. මට හිතෙන්නේ එම පහර දීමෙන් අර බීපු මනුස්සයාටත් වඩා බලන් හිටපු කුඩා ළමුන් අපහරණය වුනා.

   ඒ 1999 වර්ෂය.මම  පාසල නිමවී ගෙදර එමින් සිටියා. "කොටි දෙන්නෙක් අල්ලලා" ගමේ ලොකු කලබලයක්. අපේ ගමේ කොටසක දෙමළ මිනසුන් ජීවත් වෙනවා.ඒ පැත්තට ආපු දමිළ තරුණයෝ දෙන්නෙක් අල්ලලා. ටික වෙලාවකින් පොලිස් මහත්වරු දෙන්නෙක් ආවා. කණ පුරෝවල දුන්නා පාරවල් දෙකක්. කොහෙද කියල ඇහුවම කොළඹ ලු. ටිකකින් උන් දෙන්නට දිව උස්සන්ඩ කියල දිව යට බලපු පොලිස් මහත්වරු දෙන්නා අර යක්කුන්ගෙන් අහුවා තොපි කුඩු ගහනව නේද කියල. කුඩු ගහන උන්ගෙ දිව යට කහ පාටලු. යාලුවොත් එක්ක ගහනවා සර් කියපු උන් දෙන්නව පොලිසියෙන් අරන් ගියා. පස්සෙ ආරංචියක් ආවා උන් දෙන්නා බුද්ධි අංශයේය. දළදා මාලිගා බෝම්බ ප්‍රහාර investigation එකකට ඇවිල්ලය කියල. ඇත්තද දන්නෑ

  ඒ 1999 වර්ෂය. මම හය වසරෙ.ශිෂ්‍යත්වෙ පාස් වෙලා නුවරට ආපු අවුරුද්ද.ගියාට පස්සෙ තමයි තේරුණේ ගමේ ඉස්කෝලේට වඩා නුවර ඉස්කෝලේ manners කියල දේවල් තියෙනවය කියල. ගුරුවරයෙක් එක්ක කතා කරද්දි අත් දෙක පිටුපස්සට කරල කතා කරන්ඩ ඕනේ. පන්තියට එද්දි ගුරුවරයෙක් උගන්නනවා නම් excuse කරලා එන්න ඕනේ ආදිය. දවසක් අපි සෙට් එකක් පන්තියට එද්දි කලුගම්පිටිය සර්සෞඛ්‍ය උගන්නනවා. කීපදෙනෙක් excuse කරල වාඩිවුනා. මායි අලුතෙන් ආපු තව කොල්ලෙකුයි ගමේ ඉස්කෝලේ පුරුද්දට නිකන්ම ගිහින් වාඩිවුනා. සෞඛ්‍ය ගුරුතුමා අපි දෙන්නටම එන්න කිව්වා. චටාාාාස්. කම්මුල පුපුරු ගැහුනා. "මම අකමැති දේවල් කරන්ඩ එපා." ඒ ගුරුතුමාගේ වචන. ගුට්කාපු හේතුවත් නොදන්න අරුයි මායි ගිහින් වාඩි වුනා. " ආයේ පරක්කු  වෙලා එද්දි excuse කරල ⁣වරෙන්" ළඟ හිටපු එකෙක් කාල පරිච්ඡේදය ඉවර උනාම  කියල දුන්නා.

ගංඟා මෑණියෝ

ජයග්‍රහණයට පියවරු දහසයි
ඇයි පියවරුන් විතරක්?
මෑණිවරුන්
දහසක් නැතත්
ඉන්නවා එක්කෙනෙක්
ජයග්‍රහණයට මෑනිවරු එක්කෙනයි

හොඳ පපුවා

බය නැතිව පපුව ඉස්සරහට දාන්නේ
සුරේ ෂුවර් නිසයි Bro

බෙල්ලට බර වුනත් 

රටට බරක් නෑ Bro 

 අපෙ බෙල්ල නැතත් කඳ ෆයිට් Bro

ගල් පිළිම සහ බොල් පිළිම

  හරිහමන් අධ්‍යාපනයක් නැති, නම තියෙන ඉස්කෝලේකට ගිය නැති අනාගතය ගැනත් කිසි ආලෝකයක් නැති විපරිත කනාටු වෙච්ච  චරිත වලට පිම්බෙන්න සහ පුම්බන්න තියෙන තැනක්  තමයි සමාජ මාධ්‍ය. ඒකෙනුත් ෆේස්බුුක්. මොකක් හරි හේතුවකට අර කියපු හාල් කෑලි වලට twitter වගේ දේවල් සෙට් වෙලා නෑ. මේ හාල් කෑලි වලට තමන්ගේ ජීවිත වල අසාර්ථකත්වයට හේතුවක් ඕනේ. උත්තරයක් ඕනේ. ඔන්න හම්බවෙනවා උත්තර කීපයක්.
  * ඇමෙරිකාව ඇතුළු බටහිර රටවල්
  *⁣ කොටි ඩයස්පෝරාව
  * මුසල්මානුවන්
  * දමිළයන්
  * සිංහල කතෝලිකයන්

අර කියපු චරිත වලට ඔය කියපු දේවල් ගැන ඒ හැටි අධ්‍යනයක් නෑ.එහෙම අධ්‍යනයක් කරන්න තරම් ⁣ඉවසීමකුත් නෑ. ඉතින් මේ චරිත හසුරුවන්න ඉන්නවා න්‍යාචාර්යවරු කිහිපයක්. ඔවුනගෙන් සමහරක් ගිහියන් ඉතිරි පිරිස චීවරධාරීන්.

ගිහි න්යායාචාර්යවරුන්ට තියෙන්නෙ වැඩ කිහිපයයි. ෆේස්බුුකිය හරහ පුලුවන් තරම් වෛරී ප්‍රකාශ ඉදිරිපත් කිරීම, පිරිමි නැති වෙලාවක අර කියපු සුලු ජාතික ගෙදරකට පැන සද්දයක් දැමීම , වීඩියෝ කිහිපයක් දැම්ම තව කොහේ හරි පාරක තොටකට තමන්ගේ රැලෙ උන් දැක්කීම,වැඩේ දෙල් වූ පසු සති දෙකකට කලදේරම් බත රස බැලිම, අරමුදල් රැස් කිරීම වගේ දෙවල්. කොහොමත් අපේ රටේ හිරේට යන එකා එළියට එන්නෙ වීරයෝ වෙල හින්ද මුන් තව තව ගුවන් ගත වෙනවා.
   එතකොට චීවරධාරීන් සෙට් එක ඉන්නෙ අනුශාසක ලෙවල් එකේ.උන්දැලට තියෙන්නේ අර කයිවාරු පුතාලගේ ඔලුව අත ගාන ගමන් පාර තොටක තියෙන උද්ඝෝෂණ function එකකට පෙරගමන් කාරයා වෙන එක. උන්දැලා දන්න ධර්මෙ තමයි ඒක. ඔතන සාමය ආරක්ෂා කොරන්ඩ එන කාකි උන්දැල ටිකත් වැඩ පටන් ගන්නෙ අර කහ පාට uniform සෙට් එකට පසඟ පිහිටුවා වැඳලා. කාකි ඇඳුම පිටින් එහෙම කරන එකේ අවුලක් උන්දැලට තාම පේන්නේ නෑ. කොහොමත් කොඳු තියෙන්නෙ නැමෙන්නනේ. එහෙම වැන්දම අර ගණින්නාන්සෙලා ටික ඉන්නෙ හඳේ. උන් තව ෆෝම් වෙනවා. (⁣කාකි උන්දැල ටිකට මේ ටික තේරෙන් නැති එක තමයි ප්‍රශ්නේ).චීවරධාරී සෙට් එක ගින්නට අඩු වැඩිය හරි ගස්සලා පන්සලට වඩිනවා . න්යායාචාර්ය සෙට් එක වැඩේ කරන් යනවා. අන්තිමට හි⁣රේ විලංගුවේ වැටෙන්නේ මේ පුංචි සෙට් එක . ඊට පස්සෙ අඬනවා හිරේ ඉද්දි කවුරුත් ආවේ නැතිය. පවුලේ උන් විතරය හිටියේ අරකය මේකය. එළියට ආවාම අයේ මේ ටික අමතක වෙනවා.මෙතන තියෙන්නෙ මානසික ප්‍රශ්නයක්. මේ මිනිස්සු මොන ආකාරයක හරි සමාජ චරිත වෙලා ඉන්නෙ අර වගේ දෙකයි පනහේ වැඩ , ජාතිවාදි ආගම්වාදි වැඩ නිසා. දැන් මෙයාලත් "ටිකක් වැඩ" තියෙන නළුවො වගේ.(ළඟඳිම music video එකක හිටියත් පුදුම වෙන්ඩ එපා) ඒකනෙ කො⁣හේහරි ප්‍රශ්නයක් වෙන තැනකට ගියහම මුලින්ම කරන්නෙ selfie ගහලා fb දානඑක.  එතකොටම දායක සභාව චියර් කරන්ඩ පටන් ගන්නවා." එළ අයියේ,සිංහලේ,ලංකාවේ හිටියනම් අපිත් එනවා, බුදු සරණයි ඔයාලාට" මිනිස්සු තලා පෙලා පීඩා කරන එකකට බුදු සරණ අදාල වෙන්නෙ කොහොමද කියල බුදුහාමුදරුවන්ටත් තේරෙනවද මන්දා.
  මේ මිනිස්සු චරිත වෙන්ඩ නම් ප්‍රශ්න තියෙන්න ඕනේ. ප්‍රශ්නයක් නැත්නම් ප්‍රශ්න හදා ගන්ඩත් මුන්දැල දන්නවා. පැවැත්ම ඒකනේ. කොහෙමත් නීතිය හරියට ක්‍රියාත්මක කරේ නැති වුනොත් මේ අපේ බොල් පිළිම වලට ඉස්සරහට ගොඩාක් වැඩ තියෙයි . ඒ වගේම මෙයාලව නටවන දේශපාලනඥයින්ටත් තේරෙනවද මන්දා දැන් දැන් out of control කියලා. තේරෙනවනම් එච්චරයි .

කාලකණ්ණි ආශාව

මතුයම්දවසක
මුලු ලංකාවම
සරණාගතයන් වේවා
ඊටත් පස්සෙ
මුලු ලෝකෙම
සරණාගතයන් වේවා

Superstars ලට මොකෝ වුනේ ?

   පහත දැක්වෙන්නේ සිරස සුපර්ස්ටාර් තරඟාවලි කීපයක අවසන් දහ දෙනා අතරට පැමිණි තරඟකරුවන් ගේ නම්.
    Season 01
1. Ajith Bandara (Winner)
2. Malith Perera (runner up)
3. Amila Perera
4. Darshana Pramod
5. Shihan mihiranga
6. Manjula Pushpakumara
7. Nishantha Nanayakkara
8. Waruna Madushanka
9. Theekshana Anuradha
10. Asela Eranda

   Season 02
1. Pradeep Rangana (Winner)
2. Surendra Perera
3. Amila Nadeeshani
4. Gamini Susiriwardhena
5. Nadini Premadasa
6. Sanka Dineth
7. Buddhika Ushan
8. Manjula Nivanthi
9. Maheshika Lakmali
10. Nalinda Ranasinghe
11. Wathsala Madhumali
12. Gayani Madhusha

   Season 03
1. Shanika Madhumali (Winner)
2. Arjuna Rookantha
3. Dumal Warnakulasuriya
4. Champika Priyashantha
5. Kasun Chamikara
6. Dilki Weliwatta
7. Eranda Pathum
8. Lakmini Udawatta
9. Thulani Sithara
10. Rukman Asitha
11. Chethana Sankalani
12. Meena Prasadini

    Season 04
1. Thisara Chanaka (Winner)
2. Uditha Sanjaya
3. Gayan dushmantha
4. Shahil Himansa
5. Michel Christine
6. Shani Angela
7. Supun Perera
8. Thilani Kanchana
9. Chaminda Abeywardana
10. Randika Rochana
11. Buddima Madushani
12. Kasun Madushanka

දැනට මේ ඇති. අවසානයට පැවති තරඟවල තරඟකරුවන්ගේ නම් සටහනට ඉදිරිපත් කරල නෑ. කරල වැඩකුත් නෑ. දෙරණ dream star නම් සෙට් එකත් තිබුණනම් පංකාදු පහයි. ඒ වුනාට හම්බ වුනේ නෑ. 

  මට මතක හැටියට සිරස සුපර්ස්ටාර් පටන් ගන්නෙ 2005 වගේ කාලයක.මම එතකොට උසස් පෙළ පන්තිවල. මේක මෙගා හිට් එකක් වුනා වගේම පිස්සුවක් වුනා. හින්දි නළු නිලියන්ගේ ඩේ කාඩ් එකතු කරපු කෙල්ලේ එකපාරටම ශිහාන්ලගේ අමිලලගේ ඩේ කාඩ් එකතු කරා. මට තාමත් මතකයි ඉස්කොලේ ඇරිලා පේරාදෙණිය පාරේ බස් එකේ එද්දි විහාරමහාදේවි ,හයිස්කූල් ,ස්වරණමාලි බාලිකාවෝ පේරාදෙණිය පාරේ තියෙන පොඩි පොඩි කඩවල්වල එල්ලල තියෙන ඩේ කාඩ් තෝරනවා. ඉස්කෝලේ ඇවිල්ලත් කට්ටය
ගෙ කතාව ඊයේ අරූ කැපුනා මූ කැපුනා ඒවා. කොල්ලො විතරක්යැ ගුරුවරුත් එහෙමයි. සුපර්ස්ටාර් හිට් වුනා වගේම සිරසත් ගොඩ ගියා. දෙවෙනි සීසන් එක එද්දි අපි දෙවෙනි පාර උසස්පෙල ලියනවා. සීසන් ටූ සීසන් වන් තරම් හිට් උනේ නැතත් ඒකත් නැගල ගියා. ඒ ආරේ වැඩසටහන් ජාතික රෑපවාහිනීයේ,itn වගේම දෙරණත් පටන් ගත්තා.
  දැන් 2017, මේ ගායන තරු වැඩසටහන් පටන් ගෙන අවුරුදු 10කටත් වඩා කල් ගිහින්. පොඩ්ඩක් අර නම් ලැයිස්තුව බැලුවම සමහර නම් අහලත් නෑ. සමහර දිනපු උන් ලොවෙත් නෑ.එකෙක් දෙන්නෙක් හැරෙන්න අනෙක් උන් ඉන්නවද  මැරිලද කියලවත් දන්නෙ නෑ. ගායන තරු වලට මොකද වුනේ?
 
  මේකට පොඩි උත්තරයක් තිබුණා පහුගිය රාවය පත්තරයක සුරේන්ද්ර පෙරේරා එක්ක කරපු සාකච්ඡාවක.
http://ravaya.lk/?p=168995
මනුස්සයා තැනකදි කියනවා මම ආයෙමත් සාමාන්‍ය වෙලා. ඉස්සර හිටපු විදියටම හලාවත අවට වැඩක් කරන් ඉන්නවා.එලියේ වැඩ අඩුයි වගේ කතාවක්. ගායන තරඟ වලින් බිහිවුණු ගොඩක් තරු වලට අවසානයේ වෙලා තියෙන්නේ මේ වගේ ඉරණමක්. එක රැයෙන් ජනප්‍රිය වෙච්ච, එක රැයෙන් තමන්ගේ ජීවිත සුපෝගබෝගි ජීවිත කරගත්තු බොහෝමයක් තරු දැන් ආයෙමත් හිටපු තැන්වල. එහෙම වෙන්නෙ ඇයි.?

 මේ හැම තරුවක්ම දක්ෂයි. ඒකේ ආයේ කතා දෙකක් නෑ. දක්ෂ වුනාට මුන් ඉපදිලා ඉන්නෙ වැරදි රටක.ඒ කතාවට පස්සෙ එමුකො මේ දක්ෂයෝ ටික ඔය කියන තරඟවලදි ගායනා කරන්නෙත් ප්‍රසිද්ධ ගායක ගායිකාවන්ගෙ ප්‍රසිද්ධ වුන ගීත.අනුන් කාලය මහන්සිය ධනය වැය කරල හිට් කරපු සින්දුවක් කියන එක ලේසි වුනාට ඔය කියන ප්‍රසිද්ධ ගායකයෝ වුනත් සින්දු බර ගානක් කියල තමයි 10ක් 15ක් හිට් කරගෙන තියෙන්නෙ.අපි බැලුවොත් වික්ටර් රත්නායක හරි අමරදේව හරි ජෝතිපාල හරි මේ මිනිස්සු  කියල තියෙන ඒත් අපි ජීවිතේට අහල නැති සින්දු ඕනෙ තරම් තියෙනවා.වෙනස තියෙන්නේ ඒ ගායකයෝ යන්නේ ආරෝහණ පටිපාටියට පොඩි තැනේ ඉඳන් ඉහළට , හැබැයි ගායන තරඟවලින් එන තරු පටන් ගන්නෙ ඉහළම තැනින්.තමන් කැමති වුනත් අකමැති වුනත් එයාලට ඉතුරු වෙන්නේ අවරෝහණ පටිපාටියම තමයි. තරඟ සංවිධානය කරන රෑපවාහිනී අයිතිකාරයත් මෙයාලව උස්සල තියෙනවා.එහෙම වුනාම අතින් ලක්ෂ ගණන් පාඩු කරන් තමන්ම sms ගහ ගන්නවා. වේදිකාව උඩදි තමන්ගෙ නැතිබැරිකම කියල අඬනවා. උදේට ජෑම් පාන් එකක් කාලා සීනි අතේ කාලා කහට බීලා අවේ කියනවා, ඇඳන් ඉන්න ජොකාගේ හිල් ගාණ කියනවා,මම නෙවෙයි අල්ලපු ගෙදර නංගි තමයි application එක දැම්මෙ කියනවා. ඉතින් මේ අංකෙට sms එකක් ගහන්න ඈ කියල අන්තිමට කියනවා.කොහෙම කොහොම හරි නම හදා ගත්තත් යන්ඩ තියෙන පාරෙ ටික කාලෙකින අතරමං වෙනවා.දැන් තමයි මේ තරු ටික වැරදි රටක ඉපදිලා කියපු point එක එන අවස්ථාව. මේ ගායක තරු බිහිවෙන වේගේ අපේ වගේ පොඩි රටකට දරා ගන්න අමාරුයි.මෙහේ කෝටි දෙකයි නේ ඉන්⁣නේ. ඕනෙනම් අරාබියෙයි,ඕස්ට්‍රේලියා ඉතාලි වගේ ඉන්න සිංහල සින්දු අහන තව ලක්ෂ 5ක් විතර ඇති. මේ තරඟවලින් අවුරුද්දකට ගායකයෝ 10ක්  20ක් මුදා හරිනවා. උන් ඔක්කොම ගායන කරන්නෙ අර කෝටි දෙකට තමයි. ඉතින් මේකේ රැඳෙන්න හරි අමාරුයි..එකෙක් දෙන්නෙක් ගායන හැකියාව පැත්තකින් තියල tv presenters ලා වෙනවා,සමහරු රඟපානවා. අනෙක් උන් ලස්සනට දැකපු හීනෙකින් ඇහැරෙනව වගේ ආයෙත් හිටපු තැනටම එනවා.බැරිවෙලාවත් මේ ගායකයෝ ඉංග්‍රීසි කතා කරන රටක හිටියානම් නැත්නම් ඉන්දියාවේ වත් හිටිය නම් මට හිතෙන්නෙ නෑ එහෙම දෙයක් වෙයි කියල.American Idol එකෙන් නම හැදෙන එකාට ඊලඟ දවසේ ඉඳල මුලු  ලෝකෙම market එක හැදෙනවා.,ඉන්දියාවේ උන්ටත් එහෙමයි .ඉතින් උන්ට ඉබේම ලොකු අවස්ථාවක් හම්බ වෙනවා. අවාසනාවකට අපේ රටේ තරඟවලින් බිහිවෙන ගායක තරු වලට ඒ චාන්ස් එක නෑ. හැමෝටම සින්දු කියන්ඩ ඉන්නේ මේ කෝටි දෙක විතරයි. ගායන තරු මේ වේදිකාවෙන් දුම්රියට ගොඩ වෙනවා, ඊළඟ දුම්රියපොළේ ඉඳල බහින්න පටන් ගන්නවා. කලාතුරකින් එකෙක් දුර ගමනක් යනවා.

එන්න සිරගතවෙමු

සංස්ථාපිත ආගම් සියල්ලම
සිරගෙවල් වෙති
අපරාධයකින් තොරවම
අප සිරගත වෙන්නෙමු
දෙවනුව තර්ක කරන්නෙමු
අපේ සිරගෙදරය හොඳම
අපේ එක නූතනය ⁣
අපේ සිරගෙදර අල්පේච්ඡිතය
අපේ සිරගෙදර අවිහිංසාවාදිය
තොපේ සිරගෙදරය විෂමය
තොපේ සිරගෙදර සුපෝගබෝගි නැත
එන්න අපේ සිරගෙදරට
අපි ඔබව යහපත් සිරකරුවෙකු කරන්නෙමු

ඒ කාලේ Radio ඇහුන හැටි.

    පරණ රේඩියෝවක් කිව්වම මුලින්ම මගේ මතකෙට එන්නෙ කිරිඅම්මලා ගෙදර තිබුණ තනි ස්පීකරේ අලු පාට රේඩියෝ එක. ඒකට කැසට් පීස් එකක් දාන්නත් පුලුවන්. විදුලිය තිබුනත් රෑපවාහිනි නොතිබුණු ඒ කාලේ දැනුම ප්‍රවෘත්ති රසවින්දනයට හැම එකටම තිබුණේ ඔය රේඩියෝ එක තමයි.
   දවස මුලින්ම පටන් ගන්නේ උදේ පාන්දර දාපු පිරිතෙන්. ඒ දවස්වල රේඩියෝ චැනල් කීපයයිනෙ තිබුනෙත්. වෙළද සේවයයි ස්වදේශීය සේවයයි කඳුරට සේවය වගේ කීපයක් තමයි අපට ඇහුනේ. පිරිතෙන් පස්සෙ බෞද්ධ සිතුවිල්ලක්  ඊටත් පස්සෙ කිතුනු සිතුවිල්ලක් ඔය අතරතුර වෙලාවට ගැළපෙන විදියට දේශාභිමානී ගීතයක්, බැති ගීයක් පාසල් ළමුන්ට ගැළපෙන ගීයක් වගේ යනවා. උදේ 5.50 ට වගේ විනාඩි දෙක තුනක පරිසර වැඩසටනකුත් ගියා.

මේ ශ්‍රී ලංකා ගුවන්විදුලි සංස්ථාවයි
ප්‍රවෘත්ති
ඉදිරිපත් කිරීම රම්‍යා වනිගසේකර ......

එහෙම ඇහෙන්නේ උදේ 6ට. ගැඹුරු ගාම්භීර හඬවල්වලින් ඇහුන ප්‍රවෘත්ති වල අමුතු හැඩයක් තිබුණා. ඉස්කෝලේ සමහර උන් සිංහල පාඩම කියෙව්වෙත් ඒ අකෘතියටම. ප්‍රවෘත්ති වලින් පස්සේ obituary Notices.ඒකනම් පට්ට බෝරිං පට්ට මූසලයි.

විශ්‍රාමලත් පාඨශාලාචාරිනි, අහවලාගේ පියාණන් වූද,...... කියලා අවසන් කටයුතු අහවල් සුසාන භූමියේදි සිදුවේ.මීට ශෝකයටපත් පුතා....

එහෙම තමයි ඇහුනේ. හැබැයි කවමදාකවත් උදේට ලග්න පලාඵල නම් ඇහුනෙ නෑ කියල මතකයි. අපි ඉස්කෝලේ ගිය ඔන්න ඔය වෙලාවට.දවල්ට වැඩිය රේඩියෝ ඇහුවෙත් නෑ. දවල් කාලයකට පාසල් නිවාඩුවක් හැරුනම ගෙදර හිටියේ 1995 නොවැම්බර්. ⁣ඉස්කෝලවලට බෝම්බ බියක් අවිල්ල ඉස්කෝල නිවාඩු දුන්නා. විනිවිද පෙනෙන බෑග්, කෑම පෙට්ටි ,කුඩ එහෙම trend එකක් වුනේ ඒ කාලේ. අවසන් වාර පරීක්ෂණය තිබුනෙත් 1996 ජනවාරි. යුද්ධය දරුණුවටම යන කාලයක්.දවල්ටත් ප්‍රවෘත්ති වලින් පස්සෙ අර මූසල obituary notices ගියා. ඊට පස්සෙ ගියා රණබිමෙන් නිවහනට කියල වැඩසටහනක්. යුදබිමේ ඉන්න සෙබළු ගෙවල්වලට එවපු පණිවුඩ ඒකේ විකාශය වුනා. දුරකතන දුර්ලභ එ් කාලේ සෙබලු හිටපු ගෙවල්වල හැමෝම ඒක ඇහුවා. හවස 6 ප්‍රවෘත්ති වලට පස්සෙ ගියා එළවළු ,මාළු මිළ ගණන් වැඩසටහනක්.ඒකට අනුග්‍රහය දැක්වුයේ ලංකා බැංකුව. වැඩසටහනේ අතරතුර

ලංකා බැංකුවයි මේ ඔබේ
ජාතියේ නිධානයයි.....

ඔන්න ඔහොම සිංදුවකුත් ගියා. අපි කැමති වුනත් නැති වුනත් අපිට එ්වා අහන්ඩ වුනා. වෙන චොයිස් නෑනේ. ගුවන්විදුලි නාට්‍ය කියන්නේ ඒ කාලේ ගුවන්විදුලියේ තිබුණ ප්‍රධාන අංගයක්.
මුවන්පැලැස්ස, සෙපෙට්කෝ මහත්තයා වගේම බ්‍රහස්පතින්දාට ගිය ගොපළු කන්දේ විලාපය, හරියටම රෑ දොළහයි වගේ හොල්මන් කතා වගේම රහස් පරීක්ෂක නාට්‍යත් පට්ට .පස්සෙ කාලෙක ආපු සිරස fm එකටත් මේ ගුවන්විදුලි නාට්‍ය  සංස්කෘතිය මඟ හරින්න බැරිවුණා. සාතන්ගේ පුත්තු කියල නාට්‍යක් සිරසෙත් ගියා.මේක කිච කරල පච වෙලා ගියේ ශ්‍රී fm කරපු කණාමැදිරි රාත්‍රියෙන්.
ඉරිදට උදේ 11ට වගේ විහිළු වැඩසටහනක් ගියා. ඒකට අනුග්‍රහය දුන්නෙ සිංහ පට්ටම් කණ්නාඩි. 
හවස⁣ට ගියා අම්බිගා ගීතයෙන් ගීතය. ස සයන්න කිව්වම සයන්නෙන් සිංදුවක් කියනවා. ඒ කාලේ සුපර්ස්ටාර් වුනේ අම්බිගා ගීතයෙන් ගීතය තමයි.

    මට මතක හැටියට 95,96 වගේ තමයි සිරස පටන් ගත්තේ. සින්දු මැද්දේ හිරවෙන, එහෙම හිරවුනාම සිදුවු ප්‍රමාද දෝෂයට බලවත් කණගාටුව පළ කරපු ගුවන් විදුලි සංස්ථාවට වඩා stereo sound ගෙනාපු සිරස නැඟල ගියා. විනයක් ඇතුලේ හිරවුනු අදහස් ප්‍රකාශ කිරිල්ලෙ ඇතුලේ ගිරා කියවීම අලුත් අත්දැකීමක් වුනා. මුල් දවස්වල ඕකෙ විකාශය ආරම්භ වුනේ උදේ 8,ට 9ට විතර. ඒ වෙනකල් අපි බලන් හිටියා. ලස්සන පැහැදිලි සින්දු අහන්ඩ.

      1997 අවුරැද්දේ දවසක මට අවස්ථාවක් හම්බ වුනා කොත්මලේ fm එකේ වැඩසටහනකට යන්ඩ. ඉස්කෝලේ උගන්නපු ගුරුතුමියටත් කිව්වා අහපන් කියලා මොකෝ  මම හිතුවෙ ඒක live broadcast කරයි කියලා. ගියාට පස්සෙ තමයි විස්තරේ තේරුණේ. රෙකෝඩින් එක තිබුණේ එළියේ corridor එකක. ඒ කාලේ චූන් පාන් කාරයෝ නැතිවුනාට ලොතරැයි කාරයෝ හිට්යා. උන් යන වෙලාවට රෙකෝඩින් එක දඩස් ගාලා නතර කරනවා. ඊට පස්සෙ ආයේ පටන් ගන්නවා. එහෙම තත්වයක් තමයි ඒ කාලේ කොත්මලේ fm එකේ තිබුණේ.ගියපු වැඩසටහන ඊටත් මාස දෙකකට විතර පස්සෙ කපල කොටල broadcast කරා.පොඩිකමට ඒක ලොකු අත්දැකීමක්.වැඩසටහන ඉවර වුනාම කවකටු පෙට්ටිකුයි පොත් වගයකුයි තෑගිත් ලැබුණා.එ් අපි පොඩිකාලේ රේඩියෝ .

     දැන් . රේඩියෝ චැනල් බර ගාණක්. අහනවට සල්ලිත් දෙනවා. අනේ අපෙනුත් මල් ගන්ඩකෝ කියනවා වගේ අපේ එකත් අහල බලන්ඩ කියනවා. හරි අමාරුවෙන් ගේමක් දීල පැයකට සින්දු 7-8ක් play කර ගන්නවා. ඒ තරමට වෙළෙඳ දැන්වීම්.හවසට හැම එකේම පිරිත්.ඒ අස්සේ සුදර්ශන ගුණවර්ධනලා ගුවන්විදුලි සංස්ථාව ගොඩ ගන්නත් හදනවා. Tv පැතිරෙද්දි අපි හිතුවෙ ඒක radio වල මළගම කියල. හැබැයි ඒක එහෙම වුනේ නෑ. තාමත් රේඩියෝ හුස්ම ගන්නවා. ඒ හුස්මෙ සද්දෙ අපිටත් ඇහෙනවා.

දෙයියා සහ හිඟන්නා

හිඟන්නට දෙන රුපියල් විස්සත්
දෙයියගෙ පින් කැටේට දාන රුපියල් පහත්
දෙකම පින් නම්
හිඟන්නා > දෙයියා   නොවෙද
එහෙනම් හිඟන්නා more important
දෙයියෝ ගෝචර වෙන්නෙත් නෑලුනේ
ඉතින් අපි නම් දෙක මාරු කරොත්
දෙයියා වෙනුවට හිඟන්නා
හිඟන්නා වෙනුවට දෙයියා
පට්ටනේ මචං

"ඊයේ මං පාරේ හිටපු දෙයියෙක්ට කෑම එකක් දුන්නා බං"

"පොලිසිය විසින් පිටකොටුවේ සිටි දෙවිවරුන් ඔවුන්ගේ විමාන වලින් ඉවත් කරන ලදි"
News alert එකක් මචං

"ලබන මාසේ යමුද මචං කතරගම , හිඟන්නෙක්ට භාරයක් වෙන්ඩ"

දැන් දෙයියෝ ගෝචරයි.
හිඟන්නො ඈවරයි......

පාපතර ගැහැණු

අද බිනර පොහෝ දිනයයි. බෞද්ධයන්ට මෙය වැදගත් වනුයේ අද වැනි දිනක භික්ෂුනී ශාසනය ආරම්භ වීමයි. මහා ප්රජාපතී ගෝතමියගේ දිගු කාලීන අරගලයක ප්‍රතිඵලයක් මත අවසානයේදි භික්ෂුනී සසුන ආරම්භ විය. එය ආරම්භයට පෙර
මහා ප්රජාපතී ගෝතමිය ඇතුළු පිරිසට අෂ්ටගරු ධර්ම අටක් පිළිගැනීමට සිදුවිය.

අෂ්ටගරු ධර්ම අට

1. උපසම්පදාවෙන් වසර සියයක් ගත වූ මෙහෙණියක විසින් වුවද එදින උපසපන් වූ භික්ෂූව දැක වැඳුම් හුනස්නෙන් නැගී සිටීම් ආදී ගෞරව කළ යුතුය.

2. භික්ෂුණිය භික්ෂූන් නැති පෙදෙසක වස් විසීම නොකළ යුතුය.

3. අඩ මසක් පාසා මෙහෙණිය විසින් භික්ෂූ සංඝයාගෙන් පොහොය විචාල යුතුය. අවවාද දීමට භික්ෂුවක ගේ පැමිණීම ද බලපොරොත්තු විය යුතු ය.

4. වස් විසූ භික්ෂුණිය වස් අවසානයේ දී භික්ෂූ භික්ෂුණී යන උභතෝ සංඝයා ඉදිරියේ පවාරණය කළ යුතුය.

5. බර ඇවතකට පත් භික්ෂුණිය දෙසතියකට නො අඩු කාලයක් උභතො සංඝයා ඉදිරියෙහි වත් දෙපෝයක්. මානත් පුරා අබ්භාත විනය කර්මය සිදුකළ යුතුය.

6. උපසම්පදාව ලබනු කැමැති මෙහෙණිය දෑ අවුරුද්දක් ම අවශ්ය ප්රතිපත්ති සික්ඛ මානාවක වශයෙන් ප්රගුණ කොට උභතො සංඝයා ඉදිරියේ උපසම්පදාව ලබාගත යුතුයි.

7. කවර කරුණක් නිසා හෝ භික්ෂුණියක විසින් භික්ෂුවකට ආක්රෝෂ පරිභව නොකළ යුතු ය.

8. භික්ෂුණිය විසින් භික්ෂූන්ට අවවාද නො කළ යුතු අතර භික්ෂූන් විසින් දෙනු ලබන අවවාද පිළිගත යුතුයි.

මෙම කාරණා අට දිහා නැවත වතාවක් බැලුවහොත් පෙනී යන්නේ සාම්ප්‍රදායික බමුණන් ගැහැනුන් කෙරෙහි දැක්වූ පහත් ආකල්පය, බමුණු මත කෙරෙහි විශාල ප්‍රතිවිරෝධයක් දැක්වූ  බුදුන්ට පවා අවසානයේ එහිම ගොදුරක් වූ බව නෙවේද. බලන්න එහි පළමු කරුණ දිහා,උපසම්පදාවෙන් වසර 100ක් ගතවූ භික්ෂුනීයක් වුව එදින උපසපන් වූ භික්ෂුවකට වැඳිය යුතුය.මෙසේ වැඳය යුත්තේ කිනම් කාරණයකයද. ඔවුන් ගැහැනුන් නිසා නොවෙද, අවසන් විග්‍රහයෙදි මොවුන් වැඳ ඇත්තේ පුරුෂ ලිංගයකට නොවේනම් වෙන කුමකටද.

    දෙවෙනි කරුණ අවුලක් නැතැයි සිතමු. තෙවෙනි කරුණ බලමු. "අඩ මසක් පාසා මෙහෙණිය විසින් භික්ෂූ සංඝයාගෙන් පොහොය විචාල යුතුය. අවවාද දීමට භික්ෂුවක ගේ පැමිණීම ද බලපොරොත්තු විය යුතු ය."
ඇයි භික්ෂුනීන් හට අවවාද දීමට වැඩිහිටි භික්ෂුනීන් නැතිද, මේ පවසන්නේ භික්ෂුනීන් භික්ෂුන්ට සාපේක්ෂව මෝඩ බව නොවෙද

හත්වැනි සහ අටවැනි කාරණා බලමු.කවර කාරණයක් නිසා හෝ භික්ෂුනීයක් භික්ෂුවකට නොබැනිය යුතුය . හරි හෝ වැරදි හෝ වේවා වරදක් දුටුවිට පවා භික්ෂුවකගේ වැරද්දක් ඉවසිය යුතුය. නොදැක්කා සේ සිටිය යුතුය . භික්ෂුනීන් විසින් භික්ෂුන්ට අවවාද නොකළ යුතු අතර භික්ෂුන් දෙන අවවාද පිළිගත යුතුය.

සියලුම ආගම් කිසියම් හෝ ආකාරයකින් ගැහැනුන් හෙලා දකිති. ඉස්ලාමය ද ක්‍රිස්තියානිද හින්දු බෞද්ධ භේදයකින් තොරව මෙම කාරණයේදි පුරුෂ මූලික පුරුෂ ශාස්තෘන් ගැහැනු හෙලා දැක තිබේ. නමුත් ආගමික සමාජයෙන් අති බහුතරය ගැහැනුන් වේ. තමන් තලා පෙලා පහත් කරනා ආගම් තුලින්ම ගැහැනුන් විමුක්තිය සොයති.ආගම් කෙරෙහි ඉතා භක්තිමත් කොටස ගැහැනුන් වේ.

   මහා ප්‍රජාපතිය අද වැනි දිනෙක දිනා ඇත්තේ යදමින් බැඳි ජයග්‍රහණයකි. ඉහත කාරණා මීට අවුරුදු දෙදහස් පන්සිය ගණනකට කලින් ඇතිවූ  බව සත්‍යයක්. නමුත් අදටත් ගැහැනුන් ආගමෙන් බැට කති. ඊළඟ ආත්මයේ පිරිමින් වීමට පින් පුරති.තමාගේ ගැහැනු ආත්මය පව්කාරකමක ප්‍රතිඵලයක් සේ දකිති. ඒ ඔවුන්ගේ ආගමෙන් ඔවුන්ගේ ගැහැනු ජීවිතය පහත් කොට සළකන හෙයිනි. ගැහැනුන් පහත් කර සළකන ආගම් විසින්ම නැවත වාරයක් මවට සැළකීම ගැන කතා කරති. මාතෘත්වයට එන්නේ අර පව්කාර ගැහැණියම බව අමතක වෙති. දැන් නැවතත් මහා ප්‍රජාපතිලා අවශ්‍ය කාලයකි. ඒ පුරුෂ ලිංගයට වැඳ වැටීමට නොව අවබෝධය හෝ විමක්තිය ලබා ගැනීම උදෙසා කකුල් දෙක අතර ඇති අවයවය වැදගත් නොවන බව පැවසීමටය.